شیعہ سنی بھائی چارے اورفرقہ وارانہ ہم آہنگی کیلئے جتنی کوششیں قائدتحریک الطاف حسین نے کی ہیں اتنی پاکستان کے کسی سیاسی رہنما نے نہیں کیں۔ حیدرعباس رضوی
	متحدہ قومی موومنٹ کے سابق رکن قومی اسمبلی حیدرعباس رضوی نے ایم کیوایم کے قائدجناب الطاف حسین کے بارے میں مجلس وحدت المسلمین کے جنرل سیکریٹری امین شہیدی کی جانب سے دیئے گئے بیان پرتبصرہ کرتے ہوئے کہاہے کہ شیعہ سنی بھائی چارے اورفرقہ وارانہ ہم آہنگی کیلئے جتنی کوششیں قائدتحریک الطاف حسین نے کی ہیں اتنی پاکستان کے کسی سیاسی رہنما نے نہیں کی ہیں۔
Read More    Posted on: 19 Feb 2013

بعض شیعہ اکابر ین کی جانب سے سانحہ کوئٹہ کے متاثرین کے مطالبات پورے نہ ہونے کے باوجود یکطر فہ طور پر احتجاجی دھرنے کے خاتمہ کا اعلان کر کے شہیدوں کے سوگواروں کو شدیدمایوس کیاگیاہے۔الطاف حسین
	متحدہ قومی موومنٹ کے قائدجناب الطاف حسین نے کہاہے کہ بعض شیعہ اکابر ین کی جانب سے سانحہ کوئٹہ کے متاثرین کے مطالبات پورے نہ ہونے کے باوجود یکطر فہ طورپر احتجاجی دھرنے کے خاتمہ کا اعلان کر کے شہیدوں کے سوگواروں کوشدیدمایوس کیاگیا ہے اوریہ عمل شیعت او رہل تشیعوں کے عقیدے کو مجر وح کرنے کے مترادف ہے۔
Read More    Posted on: 19 Feb 2013

صدرآصف زرداری کی جانب سے گورنربلوچستان کو ضرورت پڑنے پرفوج کی مددلینے کی ہدایت پر ایم کیوایم رابطہ کمیٹی کااظہارحیرت
	کیا دہشت گردوں کے خلاف ٹارگٹڈآپریشن کیلئے فوج کی ضرورت اس وقت پڑے گی جب خدانخواستہ 500، ایک ہزاریا 2 ہزار معصوم وبے گناہ افرادکوشہیدکردیاجائے گا؟ آخر صدرمملکت کی نظرمیں ’’ضرورت‘‘ کامعیارکیاہے اس کی وضاحت کرکے قوم کوبتادیں۔رابطہ کمیٹی
Read More    Posted on: 18 Feb 2013

سانحہ ء کوئٹہ کے ذمہ دارعناصر کے خلاف فی الفور کارروائی کی جائے ،ہزارہ کمیونٹی کی نسل کشی بندکی جائے۔ الطاف حسین
	متحدہ قومی موومنٹ کے قائدجناب الطاف حسین نے کوئٹہ کے کیرانی روڈ پرہولناک دھماکہ کوچوبیس گھنٹے گزرجانے کے باوجوداب تک سانحہ کے ذمہ دار دہشت گردوں کے خلاف کسی قسم کی کارروائی نہ کئے جانے پر سخت افسوس کااظہارکیاہے اور حکومت اورتمام ارباب اختیارسے مطالبہ کیاہے کہ سانحہ ء کوئٹہ کے ذمہ دارعناصر کے خلاف فی الفور کارروائی کی جائے اورہزارہ کمیونٹی کی نسل کشی بندکی جائے۔
Read More    Posted on: 17 Feb 2013

میں نے ہمیشہ امن کا درس دیا ہے، محبت کا پیغام دیا ہے،الطاف حسین
	متحدہ قومی موومنٹ کے قائد جناب الطاف حسین نے ایم کیو ایم کی رابطہ کمیٹی سے گفتگو کرتے ہوئے کراچی کے حالات پر تشویش کا اظہار کیا ہے اور کہاہے کہ میں نے ہمیشہ امن کا درس دیا ہے، محبت کا پیغام دیا ہے، پاکستان بھر کے غریبوں، مظلوموں اور محکوموں کے لئے عزت کی زندگی کی خواہش رکھی ہے۔ انہوں نے کہا کہ وہ 35 سال سے دن رات جدوجہد کررہے ہیں،ہمیشہ کرتے رہیں گے اور اپنی حق پرستانہ جدوجہد سے کبھی دستبردار نہیں ہونگے، میری پوری زندگی اس بات کی عکاس ہے کہ میں نے اپنے مشن و مقصد کیلئے کبھی بھی کسی بھی طرح کی قربانی سے دریغ نہیں کیا۔
Read More    Posted on: 16 Feb 2013

پریس کانفرنس
	معززصحافی حضرات السلام علیکم سب سے پہلے تواس اہم اورہنگامی پریس کانفرنس میں تشریف لانے پر ہم آپ کے نہایت شکرگزارہیں۔آپ کوزحمت دینے کامقصد آپ کورابطہ کمیٹی کے اجلاس میں ہونے والے اہم ٖفیصلوں سے آگاہ کرناہے ۔ آپ بخوبی جانتے ہیں کہ ایم کیوایم نے ماضی کی تمام ترتلخیوں کوفراموش کرکے جمہوریت کے استحکام اور سندھ میں امن وبھائی چارے اوریکجہتی کی فضاء کے فروغ کیلئے 2008ء میں پیپلزپارٹی سے اتحادکیاتھا۔ہمیں یہ قوی امیدتھی کہ پیپلزپارٹی ماضی کے رویے کونہیں دہرائے گی اورجمہوری رویہ اپناتے ہوئے دونوں جماعتوں کے درمیان ہونے والے معاہدے اورطے شدہ امورپر عمل کرے گی لیکن ایسانہ ہوسکا۔
Read More    Posted on: 16 Feb 2013

وزیراعلیٰ خیبرپختونخوا امیرحیدرہوتی کے قافلے پر خودکش حملے پرالطاف حسین کا اظہار مذمت
	متحدہ قومی موومنٹ کے قائد جناب الطاف حسین نے وزیراعلیٰ خیبرپختونخوا امیرحیدرہوتی کے قافلے پر خودکش حملے کی سخت ترین الفاظ میں مذمت کی ہے اوردہشت گردی کے مسلسل عمل کو پاکستان کی سلامتی وبقاء کیلئے خطرہ قراردیا ہے ۔
Read More    Posted on: 15 Feb 2013

ایم کیوایم کی رابطہ کمیٹی پاکستان اور لندن کے ارکان کا مشترکہ ہنگامی اجلاس
	متحدہ قومی موومنٹ کی رابطہ کمیٹی پاکستان اور لندن کا مشترکہ ہنگامی اجلاس ہوا جس میں وزارت قانون سندھ کی جانب سے کراچی کے بے گناہ شہریوں اورپولیس اہلکاروں کے سفاکانہ قتل میں ملوث لیاری گنگ وار کے بدنام زمانہ دہشت گردوں کے خلاف قائم مقدمات واپس لینے کی سخت ترین الفاظ میں مذمت کی گئی ۔ اجلاس میں کہاگیا کہ ایم کیوایم نے سندھ میں ترقی وخوشحالی ، سندھ کے مستقل باشندوں کے درمیان اتحاد ویکجہتی اور امن وامان کی بہتری کیلئے پیپلزپارٹی سے اتحاد کیا تھااس کے باوجود محض ایم کیوایم دشمنی میں پیپلزپارٹی کے رہنماؤں کی جانب سے لیاری کے بدنام زمانہ دہشت گردوں کی کھلی سرپرستی کی جاتی رہی۔ پیپلزامن کمیٹی کے سفاک دہشت گردوں نے کراچی کے مختلف علاقوں سے اردوبولنے والے شہریوں کو باقاعدہ شناخت کے بعد بسوں سے اتارکر اغواء کیا
Read More    Posted on: 14 Feb 2013

وزیراعظم راجہ پرویزاشرف کی ایم کیوایم کے قائد الطاف حسین سے فون پر گفتگوکی ، خیریت دریافت کی
	وزیراعظم راجہ پرویزاشرف نے آج ایم کیوایم کے قائدجناب الطاف حسین سے فون پر گفتگوکی اوران کی خیریت دریافت کی۔جناب الطاف حسین نے وزیراعظم کا شکریہ اداکیااورانہیں بتایاکہ انکی طبیعت اب بہت بہتر ہے ۔دونوں رہنماؤں میں نگراں حکومت کی تشکیل،ملک میں امن وامان اور سیاسی صورتحال پربھی تبادلہ ء خیال ہوا ۔نگراں حکومت کے قیام کے حوالے سے وزیراعظم راجہ پرویزاشرف نے جناب الطاف حسین کوکہاکہ وہ اس سلسلے میں جلدہی لیڈرآف اپوزیشن کوباقاعدہ خط لکھیں گے اورنگراں وزیراعظم کے نام کوحتمی شکل دینے کیلئے اتحادی جماعتوں سے بھی مشاورت کی جائے گی اوراس معاملے کواتفاق رائے سے طے کیاجائے گااورانتخابات کو صاف وشفاف بنانے کیلئے تمام ممکنہ اقدامات کئے جائیں گے۔
Read More    Posted on: 13 Feb 2013

ایم کیوایم گڈاپ ٹاؤن سیکٹرکے کارکن ظفرخان کی شہادت پرالطاف حسین کااظہارافسوس
	متحدہ قومی موومنٹ کے قائد جناب الطاف حسین نے ایم کیوایم گڈاپ ٹاؤن سیکٹرکے کارکن ظفرخان کی المناک شہادت پرگہرے دکھ اورافسوس کااظہار کیا ہے۔ایک بیان میں جناب الطاف حسین نے ظفرخان کے تمام سوگوارلواحقین سے دلی تعزیت وہمدردی کااظہارکرتے ہوئے انہیں صبرکی تلقین کی اورکہاکہ مجھ سمیت ایم کیوایم کے تمام کارکنان آپ کے غم میں برابرکے شریک ہیں۔جناب الطاف حسین نے دعاکی کہ اللہ تعالیٰ ظفرخان شہیدکواپنی جواررحمت میں اعلیٰ مقام عطافرمائے اور سوگوار لواحقین کویہ صدمہ برداشت کرنے کاحوصلہ دے۔(آمین)
Read More    Posted on: 12 Feb 2013