عوام وکارکنان سے اپیل الطاف حسین

Posted on: 2/15/2025

عوام وکارکنان سے اپیل: الطاف حسین کے نظریے اور فکروفلسفہ کے فروغ کےلئے ٹوکن کے طورپر محض ایک روپیہ دیں۔ اس عوامی مہم کو '' آئی سپورٹ الطاف حسین '' (I Support Altaf Hussain) کانام دیاگیا ہے ………………………………………… #ISupportAltafHussain ایم کیوایم کے جتنے بھی کارکنا ن اورہمدرد ہیں، وہ چاہے پاکستان کے کسی بھی خطے میں رہتے ہوں ،کسی بھی شہر، گاؤں یادیہات میں رہتے ہوں، وہ مہاجرہوں یاغیر مہاجر ہوں، وہ کسی بھی قومیت سے تعلق رکھتے ہوں، کسی بھی مسلک ،فقہ، عقیدے یامذہب کے ماننے والے ہوں لیکن اگروہ الطاف حسین کے نظریے اورفکروفلسفہ سے متفق ہوں اور ایم کیوایم کی تحریک میں اپنا حصہ ڈالنا چاہتے ہوں تومیری ان سب سے پرزور اپیل ہے کہ وہ الطاف حسین کے نظریے اور فکروفلسفہ کے فروغ کے لئے ٹوکن کے طورپرتحریک کو محض ایک روپیہ دیں۔ اس عوامی مہم کو '' آئی سپورٹ الطاف حسین '' (I Support Altaf Hussain) کانام دیاگیا ہے۔ اس مہم کامقصدکارکنان وعوام میں احساسِ شراکت کوبیدار کرنا، محروم عوام کے حقوق کے پیغام کوعام کرنااوراس عوامی جدوجہد کومنظم انداز میں آگے بڑھاناہے۔ الطاف حسین کی ایم کیوایم سے ہمدردی رکھنے والے جولوگ بھی اس عوامی مہم میں حصہ ڈالناچاہتے ہیں وہ اپنے اپنے علاقے میں رہنے والے ایم کیوایم کے کسی بھی وفاپرست کارکن کوایک روپیہ جمع کراسکتے ہیں۔ اگرکسی گھرمیں رہنے والے افراد ایک سے زائد ہیں تووہ اپنی فیملی یاخاندان کے افراد کی تعداد کے مطابق فی کس کے حساب سے اتنے روپے اس مہم میں جمع کراسکتے ہیں۔ اسی طرح اگر کسی کارکن کے گھروالے بھی الطاف حسین کی فلاسفی اورنظریے کے ماننے والے ہوں تووہ کارکن انہیں بھی اس مہم میں شریک کرسکتاہے اورفی کس ایک روپے کے حساب سے اپنے گھر والوں اور خاندان کے ہم خیال افراد سے بھی ایک روپے کی ٹوکن رقم جمع کرسکتاہے۔ کارکنان اس رقم کواپنے اپنے علاقوں کے متعلقہ ذمہ داروں کے پاس جمع کرائیں گے ۔ میری تحریک کے کارکنوں اور تمام شعبہء ہائے زندگی اورتمام طبقوں سے تعلق رکھنے والے عوام ماؤں، بہنوں، بزرگوں، نوجوانوں اوربچوں سے پرزور اپیل ہے کہ وہ '' آئی سپورٹ الطاف حسین '' مہم میں بڑھ چڑھ کرحصہ لیں۔اس عوامی جدوجہد کی کامیابی کے لئے ضروری ہے کہ ہم متحد ہوکر اس جدوجہد کوآگے بڑھائیں اورٹوکن کے طورپر محض ایک روپے کی شکل میں اس عوامی جدوجہد میں اپنا حصہ ڈالیں اوراسے کامیاب بنائیں۔ الطاف حسین 15فروری 2025ئ

12/6/2025 5:56:39 PM

ایم کیوایم کے بانی وقائد جناب الطاف حسین نے پاکستان کی تیزی سےبدلتی ہ... 03 Dec 2025	اس سال میں بہت کچھ ہواہے اورمیں کہہ رہا ہوں کہ مستقبل قریب میں بھی بہت... 03 Dec 2025
ایم کیوایم کی کوآرڈی نیشن کمیٹی کے ارکان کا معصوم ابراہیم کے سوگوارلوا... 02 Dec 2025	متحدہ قومی موومنٹ کے سینئرارکان مطلوب زیدی ، یوسف سعید اورکاشف زیدی کو... 02 Dec 2025
1973ء کاآئین مکمل طورپر مسخ کیاجاچکاہے،کیااب اس بات کی ضرورت نہیں ہے ک... 02 Dec 2025	وزیراعلیٰ سندھ کو معلوم ہوناچاہیے کہ برصغیرکی تقسیم سے قبل سندھ بمبئی ... 02 Dec 2025
پیپلزپارٹی کی کراچی دشمن پالیسیوں کی وجہ سے کراچی کو علیحدہ صوبہ بنانے... 01 Dec 2025	کراچی میں نیپاچورنگی کے علاقے میں کھلے مین ہول میں تین سالہ بچے ابراہی... 01 Dec 2025
فوج کے جرنیلوں اور کورکمانڈروں سے درخواست ہےکہ سندھ سیکریٹریٹ کادورہ ک... 30 Nov 2025	انڈین ٹی وی چینل کو انٹرویو د ینے سےمحترمہ نورین نیازی غدار اورملک د... 30 Nov 2025