A Historical gathering to express Solidarity with the Armed Forces of Pakistan 06 July 2014

بزرگ سیاسی رہنمامعراج محمدخان نے متحدہ قومی موومنٹ کے قائدجناب الطا ف حسین کوگزشتہ روزمسلح افواج سے اظہاریکجہتی کیلئے جناح پارک کراچی میں منعقدہونے والے ایم کیوایم کے تاریخی جلسہ عام کی کامیابی پر دلی مبارکبادپیش کی ہے۔آج جناب الطاف حسین سے فون پر گفتگوکرتے ہوئے معراج محمد خان نے جلسہ عام کے انتظامات کومثالی قرار دیا اورکہاکہ اس شاندارجلسہ عام کے انعقادپر ایم کیوایم کی قیادت اوراس کے تمام کارکنان زبردست مبارکباد کے مستحق ہیں۔

متحدہ قومی موومنٹ کی رابطہ کمیٹی نے ایم کیو ایم کے زیر اہتمام اتوا ر کے روز جناح پارک میں پاکستان کی مسلح افواج سے اظہار یکجہتی کے لئے منعقد ہونے والے جلسے میں بڑی تعدا د میں شرکت کرنے پر تمام سیاسی ،مذہبی ، صحافتی اور تاجر تنظیموں کے ذمہ داران، سمندر پار پاکستانیوں اور عوام کا تہہ دل سے شکریہ ادا کیا ہے ۔

ایم کیوایم کینیڈاکے سینٹرل آرگنائزر آصف قاضی ، جوائنٹ آرگنائزر مسعود حسن اور اراکین سینٹرل کمیٹی نے جناح پارک کراچی میں مسلح افواج سے اظہار یکجہتی کیلئے منعقد کئے جانے والے جلسہ کی فقیدالمثال کامیابی پر جناب الطاف حسین، تمام کارکنان اور محب وطن پاکستانیوں کو دلی مبارکباد پیش کی ہے ۔

سیاسی ، سماجی ، مذہبی ، صنعتکار و تاجر شخصیات سمیت پاکستان اور دنیا بھر سے تعلق رکھنے والے مختلف طبقہ فکر کے افراد نے متحدہ قومی موومنٹ کے زیراہتمام پاکستان کی مسلح افواج سے اظہار یکجہتی کے جلسہ کی تاریخ ساز کامیابی کو پاکستان اور اس کی مسلح افواج کی فتح قرار دیا ہے اور کہا ہے کہ جلسہ سے قائد تحریک جناب الطاف حسین کا خطاب ملک بھر کے غریب ، مظلوم اور محروم عوام کیلئے امید کی واحد کرن ہے

متحدہ قومی موومنٹ کے قائدجناب الطاف حسین نے کہاہے کہ ایم کیوایم نے رمضان المبارک کے مہینے میں مختصروقت میں تاریخی اور شاندار جلسہ منعقد کرکے پاکستان کی سیاست میں نئی تاریخ رقم کی ہے جس پر ایم کیوایم کے تمام کارکنان زبردست شاباش اورخراج تحسین کے مستحق ہیں۔انہوں نے یہ بات ایم کیوایم کے مرکزنائن زیروپر رابطہ کمیٹی، کراچی تنظیمی کمیٹی،سندھ تنظیمی کمیٹی ،دیگرتنظیمی شعبہ جات اور ارکان اسمبلی سے گفتگوکرتے ہوئے کہی۔

متحدہ قومی موومنٹ کے قائدجناب الطاف حسین نے افواج پاکستان سے اظہاریکجہتی کے لئے 6جولائی کے جلسہ عام میں پنڈال میں موجودتمام سنی اورشیعہ حضرات سے ہاتھ اٹھاکرعہدلیااورکہاکہ وہ ایک دوسرے کے دشمن نہیں بلکہ محافظ بنیں گے۔

متحدہ قومی موومنٹ (ایم کیو ایم) کے سربراہ الطاف حسین نے کہا ہے کہ اپنے منشور اور نظریات کی تبلیغ کرنا سب کا حق ہے لیکن کسی کو کلاشنکوف، ڈنڈا بردار اور تلواروں کے ذریعے اپنی ’خودساختہ شریعت‘ یا ’نظریہ‘ دوسروں پر مسلط کرنے کی ہرگز کوشش نہیں کرنی چاہیے۔

متحدہ قومی موومنٹ کے قائدجناب الطاف حسین نے کہاہے کہ دہشت گردی کے خلاف آج پوری پاکستانی قوم اور مسلح افواج ایک صفحہ پر ہے ، سب سے پہلے ملک سے دہشت گردوں کاصفایا ہوگااس کے بعد جاگیرداروں ، وڈیروں اورکرپٹ سیاستدانوں سے باز پرس کی جائے گی اور قانون کے مطابق ان کے احتساب کا مرحلہ شروع ہوگا۔ اپنے اپنے منشور اورنظریات کی تبلیغ کرناسب کاحق ہے لیکن کسی کو کلاشنکوف، ڈنڈا بردار اور تلواروں کے ذریعہ اپنی خودساختہ شریعت یانظریہ دوسروں پر مسلط کرنے کی ہرگز کوشش نہیں کرنی چاہیے۔