ایم کیوایم کے جلسہ عام کا اسٹیج پاکستان اور پاک فوج سے مکمل یکجہتی کا مظہر دکھائی دیا

کراچی ۔۔۔6، جولائی 2014ء 

متحدہ قومی موومنٹ کے زیراہتمام پاک فوج سے اظہا ریکجہتی کیلئے مزار قائد اعظم ؒ سے متصل جناح پارک میں ہونیوالے ملک کی تاریخ کے بڑے اور عظیم الشان جلسہ کا اسٹیج پاکستان اور پاک فوج سے مکمل یکجہتی کا مظہر دکھائی دیا ۔ اسٹیج پاکستانی پرچم کے سبز رنگ سے نہ صرف مزین تھا بلکہ حقیقی طور پر سبز ہلالی پرچم میں تبدیل دکھائی دیا ۔ اسٹیج کے سامنے کے حصے پر اسٹیج کے برابر چوڑائی کا پاکستانی پرچم بنایا گیا تھا جبکہ اس پر آپریشن ضرب عضب اور ایک قوم اور ایک مشن کے تصور کو بھی اجاگر کیا گیا تھا ۔ اسٹیج کے دائیں جانب بانی پاکستان قائد اعظم محمد علی جناح ؒ اور بائیں جانب قائد تحریک جناب الطاف حسین کی خوبصورت تصاویر بنائی گئی تھی ۔ اسٹیج 80فٹ لمبا ، 20فٹ اونچا اور 35فٹ چوڑا تھا جسے کنٹینروں کی مدد سے تیار کیا گیا تھا ۔