بزرگ سیاسی رہنمامعراج محمدخان کی ایم کیوایم کے قائد الطا ف حسین سے فون پرگفتگو

لندن۔۔۔7 جولائی 2014ء

بزرگ سیاسی رہنمامعراج محمدخان نے متحدہ قومی موومنٹ کے قائدجناب الطا ف حسین کوگزشتہ روزمسلح افواج سے اظہاریکجہتی کیلئے جناح پارک کراچی میں منعقدہونے والے ایم کیوایم کے تاریخی جلسہ عام کی کامیابی پر دلی مبارکبادپیش کی ہے۔آج جناب الطاف حسین سے فون پر گفتگوکرتے ہوئے معراج محمد خان نے جلسہ عام کے انتظامات کومثالی قرار دیا اورکہاکہ اس شاندارجلسہ عام کے انعقادپر ایم کیوایم کی قیادت اوراس کے تمام کارکنان زبردست مبارکباد کے مستحق ہیں۔معراج محمدخان نے جناب الطاف حسین کو جلسہ عام سے ان کی تقریرکوبھی بہت سراہااورتقریرمیں تمام قومی مسائل اوراہم معاملات کو اٹھانے کی تعریف کی۔جناب الطاف حسین نے اپنی علالت اورخرابی صحت کے باوجودجلسہ عام میں شرکت پر معراج محمدخان کاخصوصی طورپر شکریہ ادا کیا اوران کی صحتیابی کیلئے دعاکی۔جناب الطاف حسین نے کہاکہ طالبانائزیشن اوردہشت گردی ملک کاسب سے بڑامسئلہ ہے اوراس وقت تمام سیاسی ومذہبی جماعتوں اوررہنماؤں کوملک سے دہشت گردی کے خاتمہ کیلئے ایک آوازہوکر مسلح افواج کاساتھ دیناچاہیے۔ معراج محمدخان نے کہاکہ طالبانائزیشن کے مسئلہ پر آپ نے پہل کرتے ہوئے آوازاٹھائی اوردہشت گردی کے خلاف عملی جدوجہدکی اورایک قومی رہنماہونے کاعملی ثبوت پیش کیا ۔ معراج محمدخان نے جناب الطاف حسین کی بات سے مکمل اتفاق کیااور کہاکہ ملک کودہشت گردی کی لعنت سے نجات دلانے کیلئے مسلح افواج کاساتھ دیناوقت قومی سوچ کا مظہر ہے۔