جمعہ اور ہفتے کی درمیانی شب الطاف حسین کی رہائی نے کراچی سمیت ملک بھر میں جشن کا سماں باندھ دیا

کراچی ۔۔۔7جون2014ء

ایم کیو ایم کے قائد الطاف حسین کی جمعہ اور ہفتہ کی درمیانی شب لندن میں ضمانت پر رہائی کے اعلان کے بعد پاکستان سمیت دنیا بھر میں ایم کیوا یم کے کارکنان ، حق پرست عوام اور دنیا بھر میں مقیم الطاف حسین کے چاہنے والوں میں خوشی کی لہر دوڑ گئی ۔کراچی میں نمائش چورنگی سمیت پاکستان اور ایم کیوایم کے مختلف انٹرنیشنل چیپٹرزمیں جشن کا سماں بندھ گیا۔ ایم کیوا یم کے کارکنان اور عوام نے مختلف طریقوں سے اپنی خوشی کا اظہار کرتے ہوئے ایک دوسرے کو مبارک باد دی، میٹھا ئیاں تقسیم کیں اور ایم کیو ایم کے ترانوں پر والہانہ رقص کیا ۔الطاف حسین کی رہائی کے اعلان کے بعد کراچی میں را ت گئے سڑکوں پر رش ہوگیا اور عوام بڑی تعداد میں نمائش چورنگی پر جمع ہونا شروع ہوگئے جس کے بعدقائد تحریک الطاف حسین نے پاکستانی وقت کے مطابق صبح 5:33پر عوا م وکارکنان سے خطاب شروع کیا جو تقریباً پون گھنٹے جاری رہا ۔ جناب الطاف حسین کی رہائی کے متعلق کارکنا ن و عوام کا کہنا تھا کے الطاف حسین پاکستان کے محروم و مظلوم طبقے کے نمائندہ قائد ہیں اور وہ ملک سے فرسودہ سیاسی، جاگیرداری اور انتہا پسندی کے نظام کے خاتمے کی جدو جہد کر رہے ہیں،آج وقت نے ایک مرتبہ پھر ثابت کردیا ہے کہ الطا ف حسین اور ایم کیو ایم کے ساتھ دنیا بھر کے محروم و مظلو م عوا م کی دعائیں ہیں اور دنیا کی کوئی باطل قوت جناب الطاف حسین کے نظریے کو مٹا نہیں سکتی نہ ہی انکے چاہنے والوں کو ان سے دور کر سکتی ۔