وائس آف بلوچ مسنگ پرسنز کے چیئرمین ماما قدیر بلوچ کا الطاف حسین سے اظہار یکجہتی کے لئے کوئٹہ میں احتجاجی دھرنے کے مقام کا دورہ

کراچی ۔۔۔06جون2014ء

وائس آف بلوچ مسنگ پرسنز کے چیئر مین ماما قدیر بلوچ نے ایم کیو ایم کے قائد الطا ف حسین سے اظہار یکجہتی کے لئے کوئٹہ میں احتجاجی دھرنے کے مقام کا دورہ کیا اور جناب الطاف حسین سے یکجہتی کا اظہار کیا۔ احتجاجی دھرنے کے کیمپ کے دورے کے موقع پر جناب الطاف حسین سے اظہار یکجہتی کرنے والے کارکنان و عوام سے گفتگو کرتے ہوئے کہا کہ جس طرح وائس آف بلوچ مسنگ پرسنز ملک کے محروم و مظلوم بلوچوں کے حقوق کی جدو جہد کر رہی ہے اسی طرح جناب الطاف حسین بھی 98فیصد محروم و مظلوم طبقے کے جائز حقوق کی جدوجہد کر رہے ہیں اور پاکستان کی ترقی و سلامتی میں جناب الطاف حسین کا کردار قابل تحسین ہے۔ بلوچ مسنگ پرسن کے چےئر مین نے کہا کہ الطاف حسین پاکستان کی بہت بڑی اکثریت کے قائد اور نمائندے ہیں ۔دورے کے موقع پر ماما قدیر نے ایم کیو ایم رابطہ کمیٹی کے رکن یوسف شاہوانی سے ٹیلیفونک رابطہ کیا اور اپنی جانب سے ایم کیوایم رابطہ کمیٹی اور قائد تحریک الطاف حسین کے چاہنے والوں سے دلی ہمدردی کا اظہار اور جناب الطاف حسین کے لئے نیک خواہشات کا اظہار کیا ۔