ملک میں واحد سیاسی جماعت ایم کیوایم اور اسکے قائد جناب الطاف حسین ہیں جنہوں نے ہمیشہ حق اور سچ کا ساتھ دیا، ہزارہ قومی اتحاد پاکستان سندھ کے مرکزی رہنماؤں کا بیان

کراچی۔۔۔22،فروری2014ء

ہزارہ قومی اتحاد پاکستان سندھ کے مرکزی رہنماؤں نے اپنے ایک بیان میں متحدہ قومی موومنٹ کی جانب سے طالبان خصوصا ملک میں دہشت گردی کے خلاف جرتمندانہ اقدام کو سراہتے ہوئے کہاکہ ملک میں واحد سیاسی جماعت ایم کیوایم اور اسکے قائد جناب الطاف حسین ہیں جنہوں نے ہمیشہ حق اور سچ کا ساتھ دیا۔ انہوں نے کہاکہ اگر اس ملک کے حکمراں اور ارباب اختیار الطاف حسین کے ان بیانات اور خدشات پر سنجیدگی کا مظاہرہ کر تے جو وہ طالبان کے حوالے سے کر تے رہے ہیں تو آج یہ وقت دیکھنا نہیں پڑھتا ۔ا نہوں نے ایم کیوایم کے تحت اتوار کو پاک افواج ، رینجرز پولیس اور دیگر سرکاری اداروں سے اظہار یکجہتی ریلی کی بھر پور انداز میں حمایت کی اور اپنی جماعت کی جانب سے ریلی میں شرکت کرنے کی یقین دہانی بھی کرائی ۔