ایم کیو ایم کے ذمہ داران و کارکنان کا کراچی پریس کلب کے باہر تادم مرگ بھوک ہڑتال کا آغاز

کراچی ۔۔۔ 17، اگست 2016ء

متحدہ قومی موومنٹ کے تحت کراچی پریس کلب کے باہر مہاجروں کے سیاسی، معاشی، سماجی، جسمانی قتل عام، ایم کیو ایم کے کارکنان و ہمدردوں کے گھروں اور دفاتر پر غیر آئینی و غیر قانونی چھاپوں، گرفتاریوں اور انسانی حقوق کی سنگین خلاف ورزیوں کے خلاف تادم مرگ بھوک ہڑتال کا آغاز۔ بھوک ہڑتال کا باقاعدہ آغاز تلاقت قرآن پاک سے کیا گیا۔ کراچی پریس کلب کے سامنے لگائے گئے بھوک ہڑتالی کیمپ میں ایم کیو ایم رابطہ کمیٹی کے سینئر ڈپٹی کنوینر ڈاکٹر فاروق ستار، ڈپٹی کنوینر کنور نوید جمیل، سید شاہد پاشا، اراکین رابطہ کمیٹی، سی ای سی ذمہ داران، حق پرست اراکین اسمبلی، نومنتخب بلدیاتی نمائندگان، کراچی کے مختلف یوسیز اور ٹاؤنز کے ذمہ داران، کارکنان اور ہمدرد بڑی تعداد میں موجود تھے۔ شرکاء نے ہاتھوں میں پلے کارڈز اٹھا رکھے تھے جن پر ’’ایم کیو ایم کے تمام لاپتہ کارکنان کو فوری بازیاب کیا جائے‘‘ ، ’’ایم کیو ایم کو دیوار سے لگانے کا عمل بند کرو ۔۔۔ بند کرو‘‘ ، ’’شکست حق کا مقدر تو ہو نہیں سکتی‘‘ ، ’’ہمارے قائد کے خطاب سے پابندی ہٹائی جائے‘‘ ، ’’ایم کیو ایم کی سماجی و سیاسی سرگرمیوں پر قدغن ۔۔۔ نامنظور ۔۔۔ نامنظور‘‘ ، ’’ایم کیو ایم کو کچلنے اور ختم کرنے سازش بند رکرو‘‘ اور دیگر نعرے درج تھے۔ بعد ازاں ایم کیو ایم کے قائد جناب الطاف حسین نے ’’تادم مرگ بھوک ہڑتال‘‘ پر بیٹھے شرکاء سے ٹیلی فونک خطاب کیا۔ 

 
تصاویر