ایم کیوایم کی عوامی رابطوں کی کڑی، ناظم آباد نمبر 1 میں بڑی کارنر میٹنگ کا انعقاد

کراچی ۔۔۔2دسمبر2015ء

متحدہ قومی موومنٹ کی جانب سے بلدیاتی انتخابات 2015ء کے سلسلے میں عوامی رابطوں کا سلسلہ روایتی انداز میں جاری ہے ۔ایم کیوایم کی جانب سے شہر کے مختلف علاقوں میں کارنر میٹنگز ، ڈور ٹو ڈور میٹنگز اور ملاقاتوں کا سلسلہ جاری ہے ۔اس سلسلے میں بدھ کی شام الحسن چوک ناظم آباد نمبر ایک میں کارنر میٹنگ کا اہتمام کیا گیا جس میں نامزد حق پرست بلدیاتی امیدواران کے ہمراہ، ایم کیوا یم کی رابطہ کمیٹی کے ارکین کمال ملک،محترمہ ریحانہ نسرین ، اراکین سی ای سی طارق جاوید ، سید حیدر عباس رضوی ،سینئر رہنما و حق پرست رکن قومی اسمبلی ڈاکٹر خالد مقبول صدیقی،،حق پرست اراکین اسمبلی ،تنظیمی شعبہ جات کے ذمہ داران، کارکنان اور ناظم آباد سے تعلق رکھنے والی خواتین ، بزرگوں ، بچوں ،نوجوانوں ، لڑکے ، لڑکیوں سمیت مختلف شعبہ ہائے زندگی سے تعلق رکھنے والے افراد نے بڑی تعداد میں شرکت کی ۔اس موقع پر ناظم آباد سیکٹر کی جانب سے خوشماں پنڈال تیار کیا گیا تھاجس میں شرکاء کے بیٹھنے کیلئے کرسیوں کا انتظام کیاگیاتھا،اطراف کی رہائشی عمارتوں کو برقی قمقموں سے سجایاگیا تھا اور پنڈال کے چاروں جانب ایم کیوا یم کے پرچموں اور پتنگیں باندھی گئیں تھیں۔پنڈال میں ایک جانب پریس گیلری بھی تیار کی گئی تھی جبکہ پنڈا ل میں بنائے گئے اسٹیج کو ایم کیوا یم کے پرچم کے رنگوں سے مشابہت رکھنے والے غباروں سے سجایاگیا تھا جو معصوم بچوں کی توجہ کا مرکز بنے ہوئے تھے ۔پروگرام کی براہ راست کوریج ایم کیو یم ویب ٹی وی اور نیشنل ٹیلی ویژنزپر کی جارہی تھی۔

مزید تصاویر