مسئلہ بلوچستان کے بارے میں ایم کیوایم کے بانی وقائد الطاف حسین کی کتاب ''مسئلہ بلوچستان … تاریخ کے آئینے میں '' شائع ہوگئی
کتاب کی تقریب رونمائی ہفتہ 22 فروری کو لندن میں ہوگی
لندن… 18فروری 2025ئ
بلوچستان کے بارے میں ایم کیوایم کے بانی وقائد جناب الطاف حسین کی کتاب شائع ہوگئی ہے ۔ کتاب کانام '' مسئلہ بلوچستان … تاریخ کے آئینے میں '' ہے۔ یہ کتاب مسئلہ بلوچستان کے بارے میں جناب الطاف حسین کے لیکچرز پر مبنی ہے۔ کتاب کی تقریب رونمائی ہفتہ 22 فروری کو لندن میں ہوگی۔جناب الطاف حسین کی کتاب میں بلوچستان کی ریاست قلات کی تاریخ، قیام پاکستان کے بعد بلوچستان کوجبراًپاکستان کاحصہ بنانے کا پس منظر، اس کے خلاف مختلف ادوارمیں کی جانے والی مسلح بغاوتیں ، بلوچستان کے اکابرین کے کردار، بلو چوں کی جانب سے کی جانے والی مسلح بغاوتوں ، ان تحریکوں کوکچلنے کے لئے کئے جانے والے ریاستی آپریشنوں اوربلوچ قوم میں پائی جانے والی بے چینی کے حالات و واقعات کو تفصیل سے بیان کیاگیاہے ۔ کتاب میں بلوچستان کے حقوق کے حوالے سے بانی وقائدجناب الطاف حسین اور ایم کیوایم کے کردارپر بھی تفصیلی روشنی ڈالی گئی ہے ۔