پاکستان اور بیرون ملک مقیم پاکستانیوں کی جانب سے ایم کیو ایم کی اظہار یکجہتی ریلی کا خیر مقدم

کراچی ۔۔۔۔26مئی 2014ء

جناب الطاف حسین سے اظہار یکجہتی کے لئے متحدہ قومی موومنٹ کے زیر اہتمام 25مئی کو تبت سینٹر پرعظیم الشان یکجہتی ریلی کی کامیابی پردنیا بھر میں مقیم پاکستانیوں کی جانب سے زبردست مبارکباد اور خیر مقدم کیا گیا ہے ۔جناب الطاف حسین سے اظہار یکجہتی ریلی کا انعقاد سیاسی تاریخ میں ایک اہم سنگ میل ہے اور اسے بین القوامی مبصرین کی جانب سے ملکی تاریخ کی سب سے بڑی اور اہم ریلی قرار دیا جا رہا ہے ۔ تبت سینٹر پر منعقد ہونے والی ریلی کے بعد ایم کیوا یم کے لندن سیکریٹریٹ ، ایم کیو ایم کے مرکز نائن زیرو ، مختلف زونز ، سیکٹرز ، یونٹس میں عوام وکارکنا ن کی جانب سے زبردست خیر مقدمی پیغامات کا تانتابندھ گیا ہے اور عوام کی جانب سے قائد تحریک الطا ف حسین سے اظہار یکجہتی اور محبت کے لیے بذریعہ انٹرنیٹ ، فیکس ، ڈاک ، ایس ایم ایس ، خطوط سمیت تمام ذرائع ابلاغ کے ذریعے عقیدت بھر ے پیغامات مسلسل مو صول ہو رہے ہیں ۔ جن میں عوام کی جانب سے مختلف اشعار ،تہنیتی کلمات درج ہیں ۔ آنے والے پیغامات میں ہر مشکل گھڑی میں جناب الطاف حسین کے شانہ بشانہ کھڑے رہنے کے عزم کا اعادہ کیا گیا ہے ۔ ایم کیو ایم کی رابطہ کمیٹی نے عوام و کارکنان کی جانب سے قائد تحریک کے لئے بے انتہا ء محبت ، عقیدت کو سرا ہتے ہوئے ملک اور بیرون ملک مقیم پاکستانیوں سے اظہار تشکر کیا ہے اور کہا ہے کہ قائد تحریک جناب الطاف حسین سے اظہار یکجہتی کیلئے حق پرست عوام نے ریکارڈ تعداد میں تبت سینٹر پر جمع ہوکر ثابت کر دیا ہے کہ جناب الطاف حسین ہی تمام پاکستانیوں کے ہر دل عزیز رہنما ہیں ۔ پاکستان میں بسنے والا کا کوئی بھی محب وطن شہری خواہ وہ کسی بھی زبان ،رنگ و نسل ،مذہب ، فرقہ ، قومیت سے تعلق رکھتا ہو جناب الطاف حسین کے والہانہ عقیدت رکھتا ہے اور انکے خلاف ہونے والی ہر سازش کو یکسر مسترد کرتا ہے ۔