متحدہ قومی موومنٹ کے تحت بروز اتوار مورخہ5جنوری 2014کو باغ جناح گراؤنڈ میں عظیم الشان جلسہ عام منعقد کیاجائے گا

کراچی ۔۔۔30، دسمبر2013ء

متحدہ قومی موومنٹ کے تحت بروز اتوارمورخہ 5جنوری 2014کو کراچی کے باغ جناح گراؤنڈ میں عظیم الشان جلسہ عام منعقد کیاجائے گا جس سے ایم کیوایم کے قائد جناب الطاف حسین ٹیلی فون کے ذریعے انتہائی فکر انگیز خطاب فرمائیں گے ۔ جلسہ میں ایم کیوایم کی رابطہ کمیٹی کے ارکان ، حق پرست ارکان پارلیمنٹرین،ایم کیوایم کے تمام شعبہ جات ، سیکٹر و یونٹس کمیٹیوں کے ارکان، کارکنان، ڈاکٹر، وکلاء، انجینئرز، دانشور، شعراء کرام، تاجر برادری، صنعت کار، مختلف سماجی تنظیمیں شہر بھر کے عوام جس میں خواتین، بزرگ ، معصوم بچے شریک ہونگے۔ جلسہ عام کی تیاریاں شروع کردی گئیں ہیں اور اس سلسلے میں گزشتہ روز ایم کیوایم کی رابطہ کمیٹی کے ارکان عامر خان ، سید امین الحق اور خالد سلطان نے حق پرست ارکان اسمبلی کے ہمراہ جلسہ گاہ کا تفصیلی کا دورہ کیا ۔ اس موقع پر کراچی تنظیمی کمیٹی، شعبہ اطلاعات ، نیوز کمیٹی ، ویڈیو کمیٹی ، فوٹو کمیٹی ، سوشل میڈیا ، میڈیکل ایڈ کمیٹی سمیت مختلف شعبہ جات و ونگز اور مقامی سیکٹر کے ذمہ دار بھی ان کے ہمراہ تھے ۔ رابطہ کمیٹی کے ارکان نے جلسہ عاہ میں استیج ، میڈیا کے نمائندگان ، سوشل میڈیا ، میڈیکل ایڈ کمیٹی سمیت دیگر شعبہ جات کے کیمپوں کی جگہ کا تعین کیا اور انتظامات کا جائزہ لیا ۔ ایم کیوایم کے تحت جلسہ عام کے اعلان کے بعد سے ہی ایم کیوایم کے کارکنان اور عوام میں خوشی کی لہر دوڑ گئی ہے اور ان میں زبردست جوش و خروش پایاجارہا ہے ۔ رابطہ کمیٹی نے عوام و کارکنان سے پرزور اپیل کی ہے کہ وہ اتوار کو باغ جناح گراؤنڈ میں ہونے والے جلسہ عام میں بھر پور شرکت کرکے ثابت کردیں کہ وہ کل بھی ایم کیوایم اور قائد تحریک جناب الطاف حسین کے ساتھ تھے اور آج بھی ہیں۔