میرے ساتھی، میرے بزرگ، مائیں بہنیں اورمیرے لوگ میری طاقت ہیں اوریہی میری توانائی ہیں۔الطا ف حسین

لندن ۔۔۔ 21 اپریل 2015ء

متحدہ قومی موومنٹ کے قائدجناب الطاف حسین نے کہاہے کہ میرے ساتھی، میرے بزرگ، مائیں بہنیں اورمیرے لوگ میری طاقت ہیں اوریہی میری توانائی ہیں۔ انہوں نے یہ بات پیر کی شب جناح گراؤنڈعزیزآباد میں میوزیکل پروگرام کے موقع پر عوام سے خطاب کرتے ہوئے کہی۔اس موقع پر عوام کاجوش وخروش قابل دیدتھااوروہ جناب الطاف حسین کے حق میں زوردارنعرے لگارہے تھے ۔ اس موقع پر بڑے جذباتی مناظردیکھنے میںآئے ۔جناب الطا ف حسین نے اجتماع میں موجود اپنی بڑی ہمشیرہ محترمہ سائرہ بیگم سے درخواست کی کہ وہ اسٹیج پر آئیں اور ایک بزرگ کی حیثیت سے میرے ساتھیوں،ماؤں،بہنوں اوربچوں کی بلائیں لیں۔ اس پر محترمہ سائرہ بیگم اسٹیج پر آئیں اورانہوں نے گراؤنڈمیں موجود کارکنوں اورعوام کی بلائیں لیں۔ جناب الطاف حسین نے اس موقع پر ایم کیوایم کے تنظیمی ترانے گانے والے ممتازگلوکاروں خالدعمر اورمرادعلی مراد کوشاندارالفاظ میں خراج تحسین پیش کرتے ہوئے کہاکہ میں ان کی دل سے بہت عزت کرتاہوں کیونکہ تحریک کے ابتدائی ایام میں جب میں موٹرسائیکل پر تحریک کاکام کرتاتھااورتحریک کے پہلے تنظیمی ترانوں کے کیسٹ کی تیاری کے دوران اکثربھوکا رہتاتھاتویہ بھی بھوکے رہ کرکام کرتے تھے۔ لوگ اپنے اچھے وقتوں کے ساتھیوں کویادرکھتے ہیں جبکہ انہیں برے وقتوں کے ساتھیوں کویاد رکھنا چاپہیے۔خالدعمر اورمرادعلی مراد میرے مشکل وقت کے ساتھی ہیں اورمیں انہیں کبھی نہیں بھول سکتا۔میں انہیں دل سے پیارکرتاہوں۔اس موقع پر جناب الطا ف حسین کی ہمشیرہ محترمہ سائرہ بیگم نے دونوں کے سروں پرہاتھ پھیرکرانہیں دعائیں دیں۔ آپریشن کے دوران ایم کیوایم کے تنظیمی ترانے گانے والے گلوکار آفتاب خان اسٹیج پر آئے توجناب الطا ف حسین نے انہیں شاندارالفاظ میں خراج تحسین پیش کیااورعوام سے کہاکہ وہ ایک منٹ تک مسلسل تالیاں بجاکر آفتاب خان کوخراج تحسین پیش کریں۔ جس پر حاظرین نے ایک منٹ تک زوردارتالیاں بجائیں۔اس پر گلوکار آفتاب خان نے کہا کہ جس تحریک کاایساقائدہواس تحریک کوکوئی ختم نہیں کرسکتا۔مشہورترانہ ’’ جیوے ساڈاجیوے الطاف حسین ‘‘ گانے والے گلوکارمحمد حسین نے اپنامشہورترانہ گایاتواس دعائیہ ترانے پر عوام نے انہیں زورداشاباش دی اورجناب الطاف حسین نے بھی انہیں دعائیں دی۔ جناب الطا ف حسین نے میوزیکل پروگرام میں پروفارمنس دینے والے تمام فنکاروں کوشاباش پیش کی اورانہیں سراہا۔