جنرل راحیل شریف دنیاکے چندبہادر جرنیلوں میں سے ایک ہیں۔الطاف حسین

لندن۔۔۔ 19 دسمبر2014ء

متحدہ قومی موومنٹ کے قائدجناب الطا ف حسین نے کہاہے کہ چیف آف آرمی اسٹاف جنرل راحیل شریف ایک بہادرجرنیل ہیں،وہ دنیاکے چندبہادر جرنیلوں میں سے ایک ہیں اوران کانام تاریخ میں نہ صرف یادرکھاجائے گابلکہ سنہرے حروف سے لکھاجائے گا۔انہوں نے یہ بات آج کراچی میں سانحہ پشاور کے شہداء سے اظہاریکجہتی کیلئے ہونے والی تاریخی ریلی سے خطاب کرتے ہوئے کہی۔ انہوں نے پاک فوج کے دیگرجرنیلوں اورمسلح افواج کے تمام افسران کوزبردست خراج تحسین پیش کیا۔انہوں نے ڈی جی آئی ایس آئی جنرل رضوان اخترکوبھی خراج تحسین پیش کیااورازراہ تفنن کہاکہ جنرل رضوان اختربہت اسمارٹ ہیں اوراسمارٹ جرنیلوں میں سے ایک ہیں،انہیں توفلموں میں جاناچاہیے ۔ انہوں نے پاک فضائیہ کے شاہینوں اورنیوی کے افسران اور جوانوں خصوصاًپی این ایس ڈاکیارڈ پر دہشت گردوں کے خطرناک حملے کوناکام بنانے والے افسران اورجوانوں کوخراج تحسین پیش کیا۔جناب الطا ف حسین نے کہاکہ میں رینجرز، ایف سی،دیگرپیراملٹری فورسز، پولیس اوراس کے دیگراداروں کے افسروں اورجوانوں کوسیلوٹ پیش کرتاہوں جودہشت گردوں کے خلاف سرگرم ہیں۔