ایم کیوایم کی جانب سے انتخابات 2013 کے لئے جاری ہونیوالا انتخابی منشور ’’بااختیار عوام‘‘ مستحکم پاکستان اور ملک کے غریب و متوسط طبقے کے عوام کے لئے ترقی و خوشحالی کا ضامن ہوگا، حق پرست سابق اراکین قومی اسمبلی

کراچی:۔۔۔3،اپریل 2013ء

حق پرست سابق اراکین قومی اسمبلی نے کہاہے کہ ایم کیوایم کی جانب سے انتخابات 2013 کے لئے جاری ہونیو الا انتخابی منشور ’’با اختیار عوام ‘‘ ملک کے غریب و متوسط طبقے کے عوام کے لئے ترقی و خوشحالی کا ضامن ہو گا اور ملک میں رائج جاگیر دارانہ ، وڈیرانہ ، سرمایہ دارانہ نظام کے خاتمے کے لئے اپنا اہم کردار ادا کرے گا ۔ اپنے مشترکہ بیان میں انہوں نے کہاکہ ایم کیوایم صحیح معنوں میں غریب و متوسط طبقے کی نمائندہ جماعت ہے جس کے عوامی نمائندئے غریب اور متوسط طبقے سے تعلق رکھتے ہیں ، جو دن رات عوام کی خدمت کے لئے مصروف عمل رہتے ہیں ، انہوں نے کہاکہ ایم کیوایم کا منشور اس بات کی ضمانت دیتا ہے کہ ملک کے موجودہ حالات میں غریب و متوسط طبقے سے تعلق رکھنے والے افراد کی نمائند گی ایوانوں میں ہونے سے ہی ملک کو تعلیم ، صحت ، معیشت ، و دیگر امور میں دوست ممالک کی طرح ترقی حاصل ہوسکے گی۔ انہوں نے کہاکہ ایم کیوایم کا منشور عوامی امنگوں اور خواہشات کی مکمل ترجمانی کرتا ہے ، ہم سمجھتے ہیں کہ جب تک ملک سے غربت ، بھوک ، افلاس ، بے روز گاری ، مہنگائی کا خاتمہ نہیں کیا جائے گااس وقت تک ملک خوشحالی کی راہ پر گامزن نہیں ہوسکتا ہے ۔انہوں نے کہاکہ ایم کیوایم تبدیلی کا نام ہے جو آئندہ انتخابات میں ملک کے عوام کو حیران کن نتائج دے گی ۔آخر میں سابق اراکین قومی اسمبلی نے مزید کہاکہ ایم کیوایم کا انتخابی منشور ’’ با اختیار عوام‘‘ دراصل قائد تحریک جناب الطاف حسین کے وژن کی نہ صرف عکاسی کرتا ہے بلکہ مستحکم پاکستان کی ضمانت اور غریب و مظلوم عوام کے لئے اُمید کی آخری کرن بھی ہے ۔