چیمپئنزٹرافی ہاکی ٹورنامنٹ کے سیمی فائنل میچ میں بھارت کو شکست دینے پراے پی ایم ایس او کے چیئرمین اور اراکین کی جانب سے پاکستان ہاکی ٹیم کو مبارکباد
کراچی ۔۔۔13؍ دسمبر 2014ء
آل پاکستان متحدہ اسٹوڈینٹس آرگنائزینشن کے چیئرمین و اراکین مرکزی کابینہ نے بھارت میں ہونے والے پاک بھارت چیمپئنز ٹرافی ہاکی ٹورنامنٹ کے سیمی فائنل میچ میں بھارت کو شکست دینے اور شاندار کامیابی پر پاکستان ہاکی ٹیم کو کامیابی پر مبارکباد پیش کی۔ ایک بیان میں ان کا کہنا تھا کہ پاکستان تاریخ کے بد ترین دور سے گزر رہا ہے اور ملک کا نوجوان طبقہ مایوسیوں کے اندھیروں میں دھکیلا جارہا ہے ایسی گھمبیر صورتحال میں پاکستان ہاکی ٹیم نے سیمی فائنل میں بھارت کو شکست دے کر نوجوان طبقے میں امید کی کرن جگائی ہے۔ مزید انکا کہنا تھا کہ بھارت کو شکست دے کر پاکستان ہاکی ٹیم نے آخری فتح حاصل کرلی ہے کہ حریف ملک بھارت سے ہونے والے ہر میچ میں چاہے وہ کرکٹ ہو یا ہاکی یا کسی بھی میدان میں ہو قوم ان سے ہر صورت کامیاب ہونے کا تقاضہ کرتی ہے قوم کے تقاضہ پر پورا اتر کر ہاکی ٹیم زبردست خراج تحسین کی مستحق ہے۔ بعد ازاں انہوں نے دعا کی کہ اللہ پاکستان کو ترقی دے نوجوانوں کا مستقبل محفوظ رکھے اور قوم کے نوجوان ہر میدان میں ہاکی ٹیم کی طرح ملک کا نام روشن کریں۔