کراچی اورحیدر آباد میں یونیورسٹیوں کے قیام کے اعلان پر ایم کیوایم برطانیہ کی جناب الطاف حسین کو مبارکباد

لندن ۔۔3 دسمبر 2014ء 

متحدہ قومی موومنٹ برطانیہ کے آرگنائزر ڈاکٹر سلیم دانش و اراکین کمیٹی نے برطانیہ کے تمام کارکنان کی جانب سے بحریہ ٹاؤن کے روح رواں ملک ریاض کی جانب سے کراچی اور حیدر آباد میں یونیورسٹی کے قیام کے اعلان پر قائد تحریک جناب الطاف حسین کو دلی مبارکباد پیش کی ہے ۔ اپنے بیان میں انہوں نے کہا کہ جناب الطاف حسین برسوں سے حیدر آباد کے شہریوں کیلئے یونیورسٹی قائم کرنا چاہتے تھے آج اللہ کے فضل وکرم سے ان کی خواہش پوری ہوگئی۔ انہوں نے کہا کہ دنیا کے کسی بھی ممالک میں وزیر تعلیم کا کام تعلیم کو فروغ دینا ہوتا ہے مگر افسوس کے ہمارے سندھ کے وزیر تعلیم نے تعصب کا مظاہر ہ کرتے ہوئے واضح الفاظ میں کہہ دیا تھا کہ حید رآباد میں یونیورسٹی کا قیام کسی صورت نہیں ہونے دونگامگر آج دنیا نے دیکھا کہ فتح حق اور سچ کی ہوئی اور الطاف حسین کی برسوں کی خواہش پوری ہوئی اور بحریہ ٹاؤن کے ملک ریاض نے حیدر آباد میں یونیورسٹی کے قیام کا اعلان کردیا ۔انہوں نے دعا کی اللہ تعالیٰ الطاف حسین کی تمام نیک خواہشات کو پورا کرے اور ان کی جدوجہد کو کامیابی سے ہمکنار کرے۔ ڈاکڑ سلیم دانش اور اراکین کمیٹی نے ملک ریاض کی جانب سے کراچی اور حیدر آباد میں یونیورسٹیوں کے قیام کے اعلان اور گورنر سندھ ڈاکٹر عشرت العباد خان کی کو ششوں کو سرہاتے ہوئے ان کا دل کی گہرائیوں سے شکریہ ادا کیا ہے ۔