ایم کیوایم انٹرنیشنل سیکریٹریٹ لندن میں بانی وقائد الطاف حسین کی 71 ویں سالگرہ کی پروقار تقریب
قائد تحریک الطاف حسین نے وڈیوکال کے ذریعے تقریب میں شرکت کی
کارکنان نے سالگرہ کے گیت گئے، کیک کاٹا،سالگرہ کی مبارکباد پیش کی اور فلک شگاف نعرے لگائے
لندن۔۔۔18، ستمبر2024ئ
ایم کیوایم انٹرنیشنل سیکریٹریٹ لندن میں بانی وقائد جناب الطاف حسین کی 71 ویں سالگرہ کی سادہ مگر پروقار تقریب منعقد ہوئی اورسالگرہ کا کیک کاٹاگیا۔تقریب سے جناب الطاف حسین نے وڈیوکال کے ذریعے فکرانگیز خطاب کیا۔
جناب الطاف حسین کی سالگرہ کی تقریب میں رابطہ کمیٹی کے کنوینر مصطفی عزیزآبادی، ڈپٹی کنوینر قاسم علی رضا، رابطہ کمیٹی کے رکن عاطف شمیم ، ایم کیوایم شعبہ خواتین کی انچارج محترمہ یاسمین نوین ، شعبہ خواتین کی اراکین، ایم کیوایم برطانیہ کے آرگنائزر سہیل خانزادہ ، آرگنائزنگ کمیٹی کے ارکان ، مختلف یونٹوں کے ذمہ داران اورکارکنان نے اپنے اہل خانہ کے ہمراہ شرکت کی ۔ اس موقع پر انٹرنیشنل سیکریٹریٹ میں جشن کا سماں دیکھنے میں آیا، کارکنان نے سالگرہ کے گیت گئے، کیک کاٹا اور جناب الطاف حسین کے حق میں فلک شگاف نعرے لگاکر اپنی والہانہ عقیدت ومحبت کااظہارکیااور ایک دوسرے کو جناب الطاف حسین کی سالگرہ کی مبارکباد پیش کی ۔ جناب الطاف حسین نے وڈیوکال کے ذریعے تقریب میں شرکت کی ۔ اس موقع پر تقریب میں شریک کارکنان ، خواتین اوربچوںنے جناب الطاف حسین کو سالگرہ کی مبارکباد پیش کی اور ان کی صحت وتندرستی اور درازی عمر کیلئے دعائیں کی۔ تقریب کاسلسلہ رات گئے تک جاری رہا۔
٭٭٭٭٭