گجرات کے چک بھولا میں مقامی با اثر جا گیردار کی جانب سے معمولی تنازع پر دس سالہ معصوم تبسم کے دونوں بازوکاٹنے کے واقع پر جناب الطاف حسین کا اظہار مذمت
ماضی بھی ظالمانہ جاگیر دارانہ نظام کیوجہ سے معصوم بچوں اور خواتین کو مختلف واقعات میں و حشت و بربریت کا نشانہ بنایا جا تا رہاہے
کراچی ۔۔۔۔24جولائی2014ء
متحدہ قومی موومنٹ کے قائد جناب الطاف حسین نے گجرات کے چک بھولا میں مقامی با اثر جا گیردار کی جانب معمولی تنازع پر دس سالہ معصوم تبسم کے دونوں بازوکاٹنے کے واقع کی سخت ترین الفاظ میں مذمت کی ہے اور اس واقعہ کوکھلی بربریت قرار دیا ہے۔۔اپنے ایک بیان میں ا نہوں نے کہاکہ ماضی بھی ظالمانہ جاگیر دارانہ نظام کی وجہ سے معصوم بچوں اور خواتین کو مختلف واقعات میں و حشت و بربریت کا نشانہ بنایا جا تا رہاہے لیکن ایسے ظالم جا گیرداروں کے خلاف کوئی موثر کاروائی نہیں کی گئی جس کی وجہ سے ان کے ظالم جا گیرداروں کے ظلم بر بریت میں روز بروز اضافہ ہور ہاہے اور اس ظالمانہ جا گیردارانہ نظام کے اثرات پورے ملک پر مرتب ہورہے ہیں ۔ انہوں نے حکومت پنجاب سے مطالبہ کیا ہے کہ وہ پنجاب میں معصوم بچوں اور خواتین کے ساتھ تشدد کے واقعات کے روک تھام کیلئے ٹھوس و مثبت اقداما ت کئے جائیں اور اسمیں جو بھی با اثر افراد ملوث ہوں انکے خلاف سخت کارروائی کی جائے ۔انہوں نے معصوم تبسم کے دونوں بازوں کٹنے پر گہرے دکھ اور ان کے اہل خانہ ہمدردی کا اظہار کیااور للہ تعالیٰ کے حضور دعا کی کہ معصوم تبسم کی جلد و مکمل صحتیابی کیلئے دعا کی۔ انہوں نے انسانی حقوق کی تمام تنظمیوں اور سول سوسائٹی سے بھی اپیل کی وہ ظا لم جا گیردارانہ کے اس ظالمانہ طرز عمل کے خلاف آواز بلند کریں۔