قومی اسمبلی میں ایم کیوایم کے پارلیمانی لیڈر رشید گو ڈیل کو دھمکیوں پر الطاف حسین کی مذمت

لندن ۔۔18جون 2014ء

متحدہ قومی موومنٹ کے قائد جناب الطاف حسین نے قومی اسمبلی میں ایم کیوایم کے پارلیمانی لیڈر رشید گو ڈیل کو فون پر دی جانے والی دھمکیوں کی شدید الفاظ میں مذمت کی ہے اور وفاقی حکومت سے مطالبہ کیا ہے کہ وہ ملک میں بڑھتی ہوئی لاقا نو نیت کا نوٹس لے اور یم کیوایم کے منتخب اراکین اسمبلی کو سیکیورٹی فراہم کرے ۔بد ھ کی سہ پہر شیخ زائد اسپتال لاہور میں جناب الطاف حسین سے گفتگو کر تے ہوئے ایم کیوایم کے پارلیمانی لیڈر رشید گوڈیل نے بتا یا کہ گذشتہ روز انہوں نے لاہور میں پاکستان عوامی تحریک کے کارکنوں کے قتل کی شدید مذمت کی جسکے بعد سے انہیں دھمکی آمیز فون کالز کاسلسلہ شروع ہوگیا جس میں مغلظا ت بکیں جارہی ہیں جو تاحال جاری ہے، ایم کیوایم کے دیگر اراکین اسمبلی کو بھی دھمکیاں دی جارہی ہیں ۔ انہوں نے یہ بھی انکشاف کیا کہ محترمہ طاہر ہ آصف کو بھی گذشتہ کئی ماہ سے نامعلوم افراد قتل کی دھمکیاں دے رہے تھے جس پر انہوں نے کئی مرتبہ انتظامیہ سے سیکیورٹی دینے کی درخواست دی لیکن کی درخواستوں پرکوئی توجہ نہیں دی گئی ۔ رشید گوڈیل نے یہ بھی بتایا کہ لاہور کی مقامی انتظامیہ قاتلانہ حملہ کے اس واقعہ کو ڈکیتی کی واردات کا رنگ دینے کی کوشش کر رہی ہے جبکہ حقائق یہ ہیں کہ واقعہ ٹارگٹ قاتلانہ حملہ کی کھلی واردات ہے ۔