حیدر آباد میں پی آئی اے سیلز آفس کی بندش عوامی مشکلات میں اضافہ کا باعث ہوگی۔ حق پرست اراکین قومی و صوبائی اسمبلی

حیدرآباد ۔۔۔04اپریل2014ء

حیدرآباد میں پی آئی اے سیلز آفس کی بندش عوامی مشکلات میں اضافہ کا باعث ہوگی ۔ان خیالات کا اظہا ر متحدہ قو می موومنٹ حیدرآباد کے حق پرست ارکان قومی وصوبائی اسمبلی نے اپنے بیان میں حیدرآباد میں پی آئی اے سیلز آفس بند کرنے کے احکامات کی شدید الفاظ میں مذمت کرتے ہوئے کیا۔ انہوں نے مزید کہا کہ حیدرآباد شہر سندھ کا دوسرا بڑ ا شہر ہے اور سندھ کی معیشت میں اہم کردار ادا کرتا ہے ۔انہوں نے کہاکہ اس شہر سے ہوائی سفر کی سہولیات تو پہلے ہی چھین لی گئی تھی اور اب ستم بالا اس شہر سے پی آئی اے ٹکٹ سروس بھی چھین لینااس شہر سے تعصب برتنے کے مترداف ہے ۔انہوں نے کہاکہ پی آئی اے سیلز آفس کی بندش کے احکامات حیدرآباد شہر کی معیشت تباہ کرنے مترادف ہے حیدرآباد کی حق پرست قیادت ان گھناؤنے اقدامات کی پرزور مذمت کرتی ہے اور ارباب اختیار سے مطالبہ کرتے ہیں کہ وہ حیدرآباد کی معیشت کی تباہی اور عوام کو پریشان کرنے والے اقدامات کو فی الفور واپس لئے تاکہ حیدرآباد شہر کی ترقی کا سفررک نہ سکے ۔