حلقہ این اے 246کا انتخابی جلسہ منعقد کرنے پر رابطہ کمیٹی اور انتظامیہ کے تمام افراد کو الطاف حسین کی مبارکباد

کراچی ۔۔۔18اپریل 2015ء 

متحدہ قومی موومنٹ کے قائد جناب الطاف حسین حلقہ این اے 246کا انتخابی جلسہ منعقد کرنے پر رابطہ کمیٹی اور انتظامیہ کے تمام افرادکو دلی مبارکباد پیش کی ہے ۔ لیاقت آباد میں این اے 246کی نشست پر ہونے والے ضمنی الیکشن کے سلسلے میں منعقد ہونے والے جلسہ کے شرکاء سے خطاب کرتے ہوئے انہو ں نے کہاکہ جنہوں نے آج کا یہ مشکل ترین انتظام کیا ہے ، اس مشکل ترین انتظام کرنے والے ایک ایک فرد کو اللہ اجر عظیم عطا کرے ۔ آپ سب کو آج کا کامیاب جلسہ مبارک ہوْ ۔ اس موقع پر انہوں نے دعا کی کہ اللہ تعالیٰ شہیدوں کے درجات کو بلند سے بلند عطا فرمائے ، شہیدوں کا خون رنگ لائے اوراللہ تعالیٰ ہمیں کامیابی و کامرانی عطا فرمائے