پاک سوزوکی کے ریفرنڈم میں ایم کیوایم لیبر ڈویژن کی یونائیٹڈ ورکرز فرنٹ آف پاک سوزوکی موٹرز کمپنی لمٹیڈ نے پیپلزپارٹی یونیٹی پاک سوزوکی موٹرز کمپنی لمٹیڈ کو واضح برتری سے شکست دیکر کامیابی حاصل کرلی
ایم کیوایم لیبر ڈویژن کی نومنتخب سی بی اے کے عہدیداران کی محنت کشوں کے بڑے جلوس کے ہمراہ نائن زیروآمد
رابطہ کمیٹی کے ڈپٹی کنوینر ڈاکٹر خالد مقبول صدیقی اور اراکین رابطہ کمیٹی نے جلوس کا استقبال کیا
پاک سوزوکی میں ایم کیوایم کی سی بی اے کی کامیابی قائد تحریک جناب الطاف حسین کے فکرو فلسفہ اورنظریہ کی سچائی کا ثبوت ہے، ڈاکٹر خالد مقبول صدیقی کی نومنتخب عہدیداران اور محنت کشوں سے گفتگو
کراچی ۔۔۔2، دسمبر2014ء
پاک سوزوکی کے ریفرنڈم میں ایم کیوایم لیبر ڈویژن کی یونائیٹڈ ورکرز فرنٹ آف پاک سوزوکی موٹرز کمپنی لمٹیڈ نے پیپلزپارٹی یونیٹی پاک سوزوکی موٹرز کمپنی لمٹیڈ کو واضح برتری سے شکست دیکر کامیابی حاصل کرلی ۔ ایم کیوایم لیبر ڈویژن کی یونائیٹڈ ورکرز فرنٹ آف پاک سوزکی موٹر کمپنی لمٹیڈ کی نومنتخب سی بی اے کے عہدیداران واضح برتری سے کامیابی حاصل کرنے کے بعد محنت کشوں کے ہمراہ ایک بڑے جلوس کی شکل میں ایم کیوایم کے مرکز نائن زیرو مبارکباد دینے کیلئے آئے جہاں ایم کیوایم کی رابطہ کمیٹی کے ڈپٹی کنوینر ڈاکٹر خالد مقبول صدیقی ، ایم کیوایم رابطہ کمیٹی کے ارکان اسلم آفریدی ، افتخار اکبر رندھاوا ، امین الحق ، عارف خان ایڈووکیٹ نے ان کا استقبال کیا ۔ اس موقع پر ایم کیوایم لیبر ڈویژن کے انچارج کاظم رضا ، جوائنٹ انچارجز زوار اور صابر خان بھی موجود تھے ۔ ڈاکٹر خالد مقبول صدیقی نے ایم کیوایم کی پاک سوزوکی میں نومنتخب سی بی اے کے عہدیداران اور محنت کشوں سے گفتگو کرتے ہوئے کہاکہ جناب الطاف حسین کی جدوجہد محنت کشوں اور ان کے حقو ق کے حصول کیلئے برسوں سے جاری ہے تاہم سازشی عناصر اپنے منفی پروپیگنڈوں کے ذریعے ایم کیوایم کو محنت کشوں کے حقوق کی جدوجہد سے باز رکھنے کی گھناؤنی سازشیں کرتے رہے ہیں ۔ انہوں نے کہاکہ پاک سوزوکی میں ایم کیوایم کی سی بی اے کی کامیابی قائد تحریک جناب الطاف حسین کے فکرو فلسفہ اورنظریہ کی سچائی کا ثبوت ہے ۔ انہوں نے پاک سوزکی کی نومنتخب سی بی اے کے عہدیداران کو قائد تحریک جناب الطا ف حسین کی جانب سے دلی مبارکبا دپیش کی اور انہیں تلقین کی کہ وہ محنت کشوں کے حقوق اور جائز مسائل کے حل کیلئے اپنا ہر ممکن کردار ادا کریں ۔