قائدایم کیوایم الطاف حسین کا پاکستان عوامی تحریک کے سربراہ ڈاکٹر طاہرالقادری سے ٹیلی فون پر رابطہ
الطاف حسین نے ڈاکٹرطاہرالقادری کی خیریت دریافت کی
مکہ اور مدینہ سمیت دنیا بھر میں لاکھوں کروڑوں افراد آپ کی صحت یابی کیلئے دعا گو ہیں، الطاف حسین
اللہ تعالیٰ آپ کو ساتھ خیریت کے امریکہ لیکر جائے ، وہاں آپ کا بھرپورعلاج ہو اور آپ پوری طرح صحت یاب ہوکر پاکستان میں اپنے کارکنان اور عوام کے درمیان آئیں تاکہ عوام دوبارہ آپ کے انقلابی فکروفلسفہ کو سیکھ اور سمجھ سکیں، الطاف حسین
اللہ تعالیٰ قوم کی رہنمائی ، اصلاح ، فلاح وبہبود اور سلامتی کیلئے آپ کو صحت کاملہ عطا کرے، الطاف حسین
آپ کی دعائیں اور محبتیں میرے لئے ایک سرمایہ ہیں آپ ہمیشہ مجھے اپنی دعاؤں میں یاد رکھیں، ڈاکٹر طاہرالقادری
آپ اورعوام کی دعائیں میرے ساتھ ہیں اللہ تعالیٰ خیرکرے گا، ڈاکٹر طاہرالقادری
لندن۔۔۔2، دسمبر2014ء
متحدہ قومی موومنٹ کے قائد جناب الطاف حسین نے ٹیلی فون پرپاکستان عوامی تحریک کے سربراہ ڈاکٹر طاہرالقادری سے رابطہ کیا اور ان کی خیریت دریافت کی ۔گفتگو کے دوران ڈاکٹر طاہرالقادری نے جناب الطاف حسین کو اپنی علالت کی تفصیل سے آگاہ کیا۔جناب الطاف حسین نے ڈاکٹر طاہرالقادری کی علالت پر گہری تشویش کا اظہارکرتے ہوئے کہاکہ مکہ اور مدینہ سمیت دنیا بھر میں لاکھوں کروڑوں افراد آپ کی صحت یابی کیلئے دعا گو ہیں ۔ اللہ تعالیٰ آپ کو ساتھ خیریت کے امریکہ لیکر جائے ، وہاں آپ کا بھرپورعلاج ہو اور آپ پوری طرح صحت یاب ہوکر پاکستان میں اپنے کارکنان اور عوام کے درمیان آئیں تاکہ عوام دوبارہ آپ کے انقلابی فکروفلسفہ کو سیکھ اور سمجھ سکیں ۔انہوں نے مزید کہاکہ میری اور ایم کیوایم کے تمام کارکنان کی بھی دعا ہے کہ اللہ تعالیٰ قوم کی رہنمائی ، اصلاح ، فلاح وبہبود اور سلامتی کیلئے آپ کو صحت کاملہ عطا کرے ۔ جناب الطاف حسین نے ڈاکٹر طاہرالقادری سے درخواست کی کہ وہ اپنی صحت کا بھرپورخیال رکھیں اور علاج ومعالجہ کے سلسلے میں کوئی کثر باقی نہ رکھیں۔ڈاکٹر طاہرالقادری نے خیریت دریافت کرنے پر جناب الطاف حسین سے دلی تشکرکااظہارکیا۔ انہوں نے کہاکہ آپ کی دعائیں اور محبتیں میرے لئے ایک سرمایہ ہیں آپ ہمیشہ مجھے اپنی دعاؤں میں یاد رکھیں۔آپ اورعوام کی دعائیں میرے ساتھ ہیں اللہ تعالیٰ خیرکرے گا۔