ہندو کمیونٹی کی جانب سے د یوالی کے موقع پرجناب الطاف حسین کی رہائش گاہ پر چراغ روشن کئے گئے

گذشتہ روزہندو برادری سے تعلق رکھنے والے ایک وفد نے خورشیدبیگم سیکریٹریٹ عزیزآباد میں ایم کیوایم رابطہ کمیٹی سے ملاقات کی اور تما م ہندو برادری کی جانب سے د یوالی کے موقع پرجناب الطاف حسین کی رہائش گاہ پر ان کی صحت و سلامتی اور ایم کیوایم کی ترقی اور کامرانی کے لئے چراغ روشن کئے اورہندو عقیدے کے مطابق خوبصورت اور دلکش رنگوں کے ذریعے رنگولی سجائی، وفد کے ارکان نے بتایا کہ چراغ جلانے اور رنگولی سجانے کا مقصد یہ ہے کہ جناب الطاف حسین کا گھر ہمیشہ رنگوں اور روشنیوں سے بھر ارہے ۔ اس موقع پر رابطہ کمیٹی نے وفدمیں شامل افراد کو دیوالی کی مبارکباد دی اورقائد تحریک کی جانب سے آنے والے افراد کو مٹھائی پیش کی اور خواتین میں بندیا ، مہندی رنگ برنگی چوڑیاں تقسیم کیں،اس موقع پر شعبہ خواتین کی جانب سے بھی آنے والے خواتین کو دیوالی کی مبار ک باد پیش کی گئی اورتحائف تقسیم کئے گئے۔ اس سلسلے میں شاہ فیصل ٹاؤن میں واقع مندرمیں بھی دیوالی کے حوالے سے پروگرام کا انعقد کیا گیاجس میں ایم کیو ایم اقلیتی امور کمیٹی کے انچارج منورالاسلام اوررکن روشن مکیش کے علاوہ ہندو برادری کی بڑی تعداد نے شرکت کی اور دیوالی کے تہوار کو جوش و جذبے سے منایا گیا۔