ایم کیوایم کے بانی وقائدجناب الطاف حسین کی 73 ویں سالگرہ کے سلسلے کامرکزی اجتماع ہفتہ 19 ستمبر 2026 ء کولندن میں ہوگا۔ تیاریاں جاری ہیں
17 ستمبر2026ء
ایم کیوایم کے بانی وقائد جناب الطاف حسین کی 73 ویں سالگرہ کے سلسلے میں ہفتہ 19 ستمبر 2026 ء کو لندن میں اجتماع ہوگا۔ اجتماع کی تیاریاں جاری ہیں۔ یہ اجتماع لندن کے علاقے ایجویئرکے سنگم بینکوئیٹنگ ہال واقع Sangam Banqueting Hall, 210 Burnt Oak Broadway, Edgware HA8 0AP میں مقامی وقت کے مطابق شام 6 بجے ہوگا۔ بانی وقائدجناب الطاف حسین کی سالگرہ کے اس اجتماع کے سلسلے میں ایم کیوایم یوکے کی آرگنائزنگ کمیٹی اورمختلف چیپٹرز کی کمیٹیوں کے ارکان اور کارکنان تیاریوں میں دن رات مصروف ہیں۔ اجتماع کے سلسلے میں رابطہ کمیٹی اوریوکے کی آرگنائزنگ کمیٹی کی ایک مشترکہ میٹنگ ہوئی جس میں اجتماع کے انتظامات کاجائزہ لیا گیا۔ اجتماع کے سلسلے میں ایم کیوایم یوکے کی جانب سے لندن، برمنگھم، مانچسٹر، شیفیلڈ، لوٹن، برائٹن، انگلینڈ کے دیگرعلاقوں کے ساتھ ساتھ ویلز،اسکاٹ لینڈ اور ناردرن آئرلینڈ سمیت یوکے کے دیگرعلاقوں میں مقیم پاکستانی کمیونٹی کو دعوت نامے جاری کئے جارہے ہیں۔
ایم کیوایم یوکے کی آرگنائزنگ کمیٹی نے اپنے بیان میں کہا ہے کہ پروگرام میں شرکت کے خواہشمند افراد دعوت نامے کے حصول کے سلسلے میں ایم کیوایم انٹرنیشنل سیکریٹریٹ لندن کے فون نمبر 020 89527300 یاواٹس نمبر +447908510556 پر رابطہ کرسکتے ہیں۔
٭٭٭٭٭