کارکنان اپنے حسن اخلاق کے ذریعے جناب الطاف حسین کا پیغام ملک کے کونے کونے میں پہنچائیں ، سید شاکر علی
ایم کیوا یم کراچی مضا فاتی آرگنائزنگ کمیٹی کے تحت کارکنا ن کے تربیتی اجلاس سے رابطہ کمیٹی رکن کا خطاب
کراچی ۔۔۔18ستمبر2014ء
متحدہ قومی موومنٹ کی کراچی مضا فاتی آرگنائزنگ کمیٹی کے زیر اہتمام گزشتہ روز بفر زون کی کے بی آر سو سائٹی میں واقع گوٹھ خواستی بروہی ، شاہ خالد کالونی اور عزیز آباد بھنگوریہ گوٹھ میں علیحد ہ علیحدہ کارکنان کے تربیتی اجلاس کا انعقاد کیا گیا جس میں ایم کیوایم کی رابطہ کمیٹی کے رکن سید شاکر علی، کراچی مضافاتی آرگنائزنگ کمیٹی کے انچارج فروخ اعظم ، جوائنٹ انچارجز اسلم بلوچ، سید احمد رضا ارکان کمیٹی سمیت کراچی مضافاتی آرگنائزنگ کمیٹی کے مقامی متعلقہ یونٹس کے ذمہ داران اور کارکنان کی بڑی تعداد نے شرکت کی ۔ اجلاسز کے موقع پر سید شاکر علی نے کارکنان سے خطاب کرتے ہوئے کہا کہ پاکستان کے قیام کو 67برس کا عرصہ گزر گیا ہے لیکن آج تک ملک میں حقیقی جمہوریت نافذ نہیں ہوسکی ہے اور نا ملک کے غریب و متوسط طبقے کے عوام ان کے جائز حقوق میسر آئے ہیں ۔ سید شاکر علی نے کہا کہ جناب الطاف حسین ملک میں جمہوریت کو اسکی اصل روح کے مطابق نافذ العمل کرنے کے خواہش مند ہیں اور وہ ملک کے مظلوم عوام کے جائز حقوق کیلئے 35برسوں سے جدو جہد کر رہے ہیں ۔انہوں نے کارکنا ن کو جناب الطاف حسین کا پیغام پہنچاتے ہوئے کہا کہ وہ اپنے اخلا ق اور کردار کو بہتر کریں اور اپنے گلی محلے آس پاس موجود عوام کے ساتھ حسن اخلاق سے پیش آئیں اور اپنے اعلیٰ کردار کے ذریعے جناب الطاف حسین کا پیغام ملک کے کونے کونے میں پہنچائیں ۔