مخیر حضرات سیلاب زد گان او رآئی ڈی پیز کی امداد کیلئے خدمت خلق فاؤنڈیشن میں دل کھول کرعطیات جمع کرائیں، الطاف حسین کی اپیل

لندن ۔۔17ستمبر2014ء

متحدہ قومی موومنٹ کے قائد جناب الطاف حسین نے ملک بھر میں سیلاب زد گان اور آئی ڈی پیز کے امداد کیلئے امدادی کیمپ لگانے اور دن رات امدادی سرگرمیوں میں حصہ لینے پر ایم کیوایم پنجاب کے ذمہ داران وکارکنان کو زبر دست خراج تحسین پیش اور شاباش دی ہے ۔ یہ بات انہوں نے بدھ کی شب اپنی 61 ویں سالگرہ کے موقع پر جناح گراؤ نڈ عزیز آباد میں ایک بہت بڑے جلسہ عام سے خطاب کے دوران کہی۔ جناب الطاف حسین نے دنیا بھر اور پاکستان میں رہنے والے تمام افراد خصوصاً مخیر ٓحضرات سے بھی اپیل کی وہ سیلاب زد گان او رآئی ڈی پیز کی امداد کیلئے خدمت خلق فاؤنڈیشن میں دل کھول کر عطیات جمع کرائیں ۔