حق پرست ارکان سندھ اسمبلی اور ایم کیوایم میڈیکل ایڈ کمیٹی نے جناب الطاف حسینکی سالگرہ کے دن کراچی کے مختلف اسپتالوں کا دورہ کیا
اسپتالوں کے عملے سے ملاقات کی اور مریضوں کی جناب الطاف حسین کی جانب سے عیادت کی
حق پرست اراکین اسمبلی نے مریضوں میں پھل اور پھولوں کی کلیاں تقسیم کیں اور انہیں جناب الطاف حسین کی سالگرہ کی مبارکباد دی
مریضوں اور اسپتالوں کے عملے سالگرہ کے دن یاد رکھنے پر جناب الطاف حسین سے اظہار تشکر ، درازی عمراور صحت و تندرستی کیلئے دعائیں
کراچی ۔۔۔17، ستمبر2014ء
متحدہ قومی موومنٹ کے بانی و قائد جناب الطاف حسین کی 61ویں سالگرہ کے موقع پر کراچی کے مختلف اسپتالوں میں جناب الطاف حسین کی جانب سے مریضوں میں پھل اور پھولوں کی کلیاں تقسیم کی گئیں ۔ تفصیلات کے مطابق بدھ کے روز جناب الطاف حسین کی سالگرہ کے موقع پر حق پرست رکن سندھ اسمبلی نشاط ضیاء اور ایم کیوایم میڈیکل ایڈ کمیٹی کے انچارج ڈاکٹر فاروق جمیل نے کارڈیک سینٹر شاہ فیصل کالونی ، حق پرست رکن سندھ اسمبلی عامر معین اور ایم کیوایم میڈیکل ایڈ کمیٹی کے جوائنٹ انچارج منور حسین نے نیشنل انسٹی ٹیوٹ کارڈیو ویسکولر ڈیزیز ، حق پرست رکن سندھ اسمبلی محمود عبد الرزاق نے جناح اسپتال ، حق پرست رکن سندھ اسمبلی ارشد وہرہ نے نیشنل انسٹی ٹیوٹ آف چائلڈ ہیلتھ ، حق پرست رکن سندھ اسمبلی ریحان ظفر نے عباسی شہید اسپتال ، حق پرست رکن سندھ اسمبلی عامر معین نے سول اسپتال ، حق پرست رکن سندھ اسمبلی محمد حسین نے قطر اسپتال ، حق پرست رکن سندھ اسمبلی خالد بن ولایت نے سندھ گورنمنٹ لیاقت آباد اسپتال اور حق پرست رکن سندھ اسمبلی وسیم قریشی نے سندھ گورنمنٹ نیو کراچی اسپتال کا دورہ کیا اور جناب الطاف حسین کی جانب سے اسپتالوں کے عملے سے ملاقات کی اور مریضوں کی عیادت کرکے انہیں جناب الطاف حسین کی 61ویں سالگرہ کی مبارکباد پیش کی ۔اس مو قع پر اسپتالوں کے عملے اور مریضوں نے سالگرہ کے دن یاد رکھنے پر جناب الطاف حسین سے دلی تشکر کااظہار کیا اور انہیں سالگرہ کی دلی مبارکباد پیش کرتے ہوئے ان کی درازی عمر اور صحت وتندرستی کیلئے دعائیں کیں ۔