قائدتحریک جناب الطاف حسین کی 61ویں سالگرہ کے مو قع پرغریب اور نادرا مریضوں کے لئے متحدہ قومی موومنٹ میڈیکل ایڈ کمیٹی کے زیر اہتمام لال قلعہ گراؤنڈ عزیز آبادمیں فری بلڈ ڈونیشن کیمپ کا انعقاد

کراچی ۔۔۔۔14 ، ستمبر ، 2014ء 

متحدہ قومی موومنٹ کے قائد جناب الطاف حسین کی 61ویں سالگرہ کے مو قع پرغریب اور نادرا مریضوں کے لئے متحدہ قومی موومنٹ میڈیکل ایڈ کمیٹی کے زیر اہتمام لال قلعہ گراؤنڈ عزیز آبادمیں فری بلڈ ڈونیشن کیمپ لگایا گیا جسمیں ایم کیوایم کارکنان وہمدروں نے بڑی تعداد میں خون کے عطیات دے کر قائد تحریک جناب الطاف حسین سے اپنی والہانہ محبت کا اظہار کیا ۔ کیمپ میں موجود جدید مشینوں کے ذریعے خون ٹیسٹ کی سہولت بھی فراہم کی گئیں ۔دریں اثناء ایم کیوایم کی رابطہ کمیٹی کے ڈپٹی کنونیرڈاکٹر نصرت نے اراکین رابطہ کمیٹی کہف الوریٰ ، شاکر علی اور صوبائی وزیر صحت ڈاکٹر صغیر احمد کے ہمراہ لال قلعہ گراؤنڈ میں قائم بلڈ ڈونیشن کیمپ کا دورہ کیا ۔اس مو قع پر ایم کیوایم کی رابطہ کمیٹی کے ڈپٹی کنوینر ڈاکٹر نصرت نے کیمپ میں موجود کارکنان سے گفتگوکرتے ہوئے کہاکہ جناب الطاف حسین بلا تفریق رنگ ونسل انسانیت کی خدمت پریقین کھتے ہیں اور دکھی انسانیت کی خدمت کو اپنا فرض سمجھتے ہوں ۔انہوں نے کہاکہ ایم کیو ایم سیاست برائے خدمت پر یقین رکھتی ہے اسی لیے قائد تحریک جناب الطاف حسین نے ایم کیو ایم کی بنیاد رکھنے سے پہلے خدمتِ خلق فاؤنڈیشن کی بنیاد رکھی ۔