الطاف حسین کی ہدایت پر خدمت خلق فاؤنڈیشن کی پنجا ب کے سیلاب سے متاثرہ علاقوں امدادی سرگرمیاں جاری

ملتان ۔۔۔13ستمبر 20114ء

متحد ہ قومی موومنٹ کے قائد الطاف حسین کی خصوصی ہدایت پر ایم کیو ایم کے فلاحی ادارے خدمت خلق فاؤنڈیشن کی جانب سے ملک بھر بالخصوص صوبہ پنجاب میں سیلاب سے متاثرہ عوام کی بہبود اور امداد ی سر گرمیاں جا ری ہیں ۔ اس سلسلے میں گزشتہ روز ایم کیو ایم کی رابطہ کمیٹی کے رکن افتخار اکبر رندھاوا نے ایم کیو ایم جنوبی پنجاب کے صدر مرزا فرقان مغل ، میڈیکل ایڈ کمیٹی اور خدمت خلق فاؤنڈیشن کے رضا کاران کے ہمراہ مختلف علاقوں میں خدمت خلق فاؤنڈیشن کے طبی امدادی کیمپس کا دورہ کیا اور سیلاب سے متاثرہ علاقوں میں جاکر سیلاب سے متا ثرہ عوام میں کھانا،صاف پانی اور بسکٹس و خشک اجناس تقسیم کےئے ۔ سیلاب سے متاثرہ علاقوں کے دورے کے موقع پر میڈیا نمائندگان سے گفتگو کرتے ہوئے افتخار اکبر رندھاوا نے کہا کہ جناب الطاف حسین نے ہر مشکل گھڑی میں ملک کے مظلوم، محروم عوام کی ہر ممکن امداد کی ہے اور اس مصیبت کی گھڑی میں بھی جناب الطاف حسین نے اپنے کارکنان کو ہدایت ہے کہ وہ پنجاب کے سیلاب سے متاثرہ غریب کاشتکاروں ، کسانوں اور مظلوم عوام کی بھر پور امداد کر یں او ر اسی لئے پنجاب سے تعلق رکھنے والے ایم کیوایم کے کارکنان اور رضا کاران سیلاب زدہ علاقوں میں عوامی بہبود کیلئے موجود ہیں ۔ اس موقع پر ملک خالد فاروق ، اقتدار رضوی ، ذیشان دلاور قریشی اور دیگر ذمہ داران بھی انکے ہمراہ تھے ۔