الطاف حسین کی ہدایت پرخدمت خلق فاؤنڈیشن نے ملتان میں مختلف مقامات پرطبّی وامدادی کیمپس قائم کردیئے
طبّی وامدادی کیمپس میں خدمت خلق فاؤنڈیشن کی جانب سے سیلاب زدگان کوطبّی سہولیات اور امداد کاسلسلہ جاری ہے
ایم کیوایم مصیبت کی اس گھڑی میں سیلاب متاثرین کو تنہا نہیں چھوڑے گی،افتخاراکبررندھاوا
ملتان:۔۔۔12ستمبر2014ء
ایم کیوایم کے قائدجناب الطاف حسین کی ہدایت پرفلاحی ادارے خدمت خلق فاؤنڈیشن کی جانب سے سیلاب زدگان کوطبّی سہولیات اور امداد کاسلسلہ جاری ہے اوراس سلسلے میں ملتان میں مختلف مقامات پرطبّی وامدادی کیمپس قائم کردیئے ہیں جہاں ایم کیوایم میڈیکل ایڈکمیٹی پنجاب سے تعلق رکھنے والے مختلف امراض ڈاکٹرزاورپیرامیڈیکل اسٹاف پرمشتمل ٹیم اورخدمت خلق فاؤندیشن کے رضاکارکے ہمراہ ایم کیوایم کے شعبہ جات کے ارکان خدمات انجام دے رہے ہیں۔علاوہ ازیں ایم کیوایم رابطہ کمیٹی کے رکن افتخار اکبر رندھاوا نے خدمت خلق فاؤنڈیشن کی جانب سے سیلاب زدگان کے لئے لگائے گئے طبّی وامدادی کیمپس کا تفصیلی دورہ کرکے سیلاب متاثرین کوسہولیات کی فراہمی کاجائزلیااوراپنے ہاتھوں سے سیلاب متاثرین میں قائدتحریک الطا ف حسین کی جانب سے کھانابھی تقسیم کیا اور کیمپ میں موجود شرکاء اور کارکنان سے ملاقات کی۔اس موقع پرانہوں نے میڈیا سے گفتگو کرتے ہو ئے کہا کہ ایم کیوایم مصیبت کی اس گھڑی میں سیلاب متاثرہ بھائیوں کوکسی قیمت پر تنہا نہیں چھوڑے گی اور ان سے ہر ممکنہ تعاون کرے گی۔انہوں نے کہاکہ حالیہ سیلاب نے چھوٹے زمینداروں،کا شتکاروں اور غریب عوام کو شدید مالی وجانی نقصان پہنچایا ہے۔ اس موقع پرملک خالدفاروق ، اقتدا ر رضوی ،ذیشان دلاور قریشی ،اوردیگرذمہ داران بھی ہمراہ تھے۔دریں اثناء اس سلسلے میں سیلاب متاثرین کی امداد کے لئے چوک ڈیرہ اڈا پر کیمپ بھی قائم کیاگیا ہے جس میں ذمہ داران و کارکنا ن ا پنی ڈیوٹی سرانجام دے رہے ہیں۔