ایم کیوایم سوشل میڈیا کا جناب الطاف حسین کے حق پرستانہ پیغام کو دنیا بھر میں پھیلا نےکیلئے اپنا کر دار ادا کر رہا ۔ ڈاکٹر سلیم دانش

لندن ۔۔8ستمبر 2014ء 

متحدہ قومی موومنٹ برطانیہ سوشل میڈیا کے ارکان کااجلاس لندن کے مقامی آفس میں منعقد کیا گیا جس میں ایم کیوایم برطانیہ کے آرگنائزرڈاکٹر سلیم دانش، آرگنائزنگ کمیٹی ارکان ، سوشل میڈیا کے ذمہ داران و ارکان نے شرکت ۔اجلاس سے ڈاکٹر سلیم دانش نے اظہار خیال کر تے ہوئے آج کا دور سوشل میڈیا کا دور ہے جس کے ذریعہ دنیا بھر کے عوام تازہ ترین صورتحال سے انتہائی کم وقت میں لمحہ بہ لمحہ کی خبروں سے آگا ہ ہوجاتے ہیں لہٰذا سوشل میڈیا کے ارکان قائد تحریک جناب الطاف حسین کے حق پرستانہ پیغام کو سوشل میڈیا کے ذریعے دنیا بھر میں پھیلا ئیں تاکہ دنیا بھر کے عوام جناب الطاف حسین کی حقیقت پسندی وعملیت پسندی کے فلسفہ اور حق پر ستانہ جدوجہد سے آگہی حاصل کر سکیں ۔انہوں نے کہا ایم کیوایم برطانیہ کی سوشل میڈیا کے ارکان نے مختصر وقت میں نہایت منظم انداز میں ایم کیوایم کی جدوجہد سمیت ملکی وغیرملکی صورتحال کو جس طرح دنیا بھر میں پھیلانے میں اپنا کر دار ادا کیا ہے وہ قابل ستائش ہے ۔اس موقع پر ایم کیوایم برطانیہ سوشل میڈیا کے انچارج ہاشم اعظم نے سوشل میڈیاکی اہمیت وافادیت اور ایم کیوایم برطانیہ کے آفیشل اکاونٹس کے بارے میں تفصیلی اظہار خیال کیا اور کام کو مزید مربوط اور منظم بنانے پر زور دیا ۔