ممتاز دانشور، شاعر، ادیب اور سابق صوبائی محتسب خان یوسف جمال کے انتقال پر جناب الطاف حسین کا اظہار افسوس

لندن۔۔۔8، ستمبر2014ء 

متحدہ قومی موومنٹ کے قائد جناب الطاف حسین نے ممتاز دانشور ، شاعر ، ادیب اور سابق صوبائی محتسب خان یوسف جمال کے انتقال پر گہرے دکھ اور افسوس کا اظہارکیا ہے۔ ایک تعزیتی بیان میں انہوں نے کہا کہ مرحوم ہمہ گیر شخصیت کے مالک تھے اور ان کی مختلف شعبوں میں خدمات نہ صرف قابل قدر ہیں بلکہ اس پر مرحوم کو جتنا بھی خراج عقیدت پیش کیاجائے کم ہے۔ انہوں نے کہا کہ مرحوم کے انتقال سے مجھے ذاتی طور پر صدمہ پہنچا ہے اور دکھ اس گھڑی میں مجھ سمیت ایم کیوایم کے تمام کارکنان مرحوم کے سوگوار لواحقین کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اورسوگوارن کو یہ صدمہ برداشت کرنے کا حوصلہ عطاکرے۔