ایم کیوایم اقلیتی امور کمیٹی کے جوائنٹ انچارج ندیم انور کے والد محمد یونس کے انتقال پر رابطہ کمیٹی کا اظہار تعزیت

کراچی۔۔۔6ستمبر2014ء

متحدہ قومی موومنٹ کی رابطہ کمیٹی نے ایم کیو ایم اقلیتی امور کمیٹی کے جوائنٹ انچارج ندیم انور کے والد محمد یونس کے انتقال پردکھ اور افسوس کااظہار کیا ہے ۔اپنے تعزیتی بیان میں رابطہ کمیٹی نے مرحوم کے تمام سوگوار لواحقین سے دلی تعزیت و ہمدردی کاا ظہار کرتے ہوئے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو صبر جمیل عطا کرے۔(آمین)

دریں اثناء محمد یونس کو بروز ہفتہ ڈیفنس فیز IIکے قبرستان میں سپرد خاک کردیا گیا ۔ مرحوم کی نماز جنازہ بعد نماز ظہرمحمود آباد میں ادا کی گئی۔ نماز جنازہ و تدفین میں ایم کیو ایم رابطہ کمیٹی کے رکن عادل خان ، اقلیتی امورکمیٹی کے انچارج و اراکین ، ایم کیو ایم محمود آباد سیکٹر یونٹ کے ذمہ داران و کارکنان کے علاوہ مرحوم کے عزیزواقارب نے شرکت کی اور مرحوم کی مغفرت کیلئے دعا بھی کی۔