شاہراہ فیصل پر پولیس چوکی پر دستی بم سے حملہ پر ایم کیوایم رابطہ کمیٹی کااظہار مذمت
ملک کی نازک ترین سیاسی صورتحال کے موقع کراچی میں پولیس چوکی پر دستی بم سے حملہ کھلی دہشت گردی ہے ، رابطہ کمیٹی ایم کیوایم
زخمی پولیس اہلکاروں سے ایم کیوایم رابطہ کمیٹی کاظہار ہمدردی اور جلد و مکمل صحت یابی کیلئے دعا
لندن۔۔۔3، ستمبر2014ء
متحدہ قومی موومنٹ کی رابطہ کمیٹی نے کراچی میں شاہراہ فیصل کے قریب پولیس چوکی پر دستی بم سے حملہ کی سخت ترین الفاظ میں مذمت کی ہے اور اس کے نتیجے میں متعدد پولیس اہلکاروں کے زخمی ہونے پر گہرے دکھ اور افسوس کااظہار کیا ہے ۔ ایک بیان میں رابطہ کمیٹی نے کہاکہ ملک کی نازک ترین سیاسی صورتحال میں کراچی میں دستی بم حملے کے ذریعے پولیس اہلکاروں کو زخمی کرنے کی واردات کھلی دہشت گردی ہے اور جو عناصر بھی اس میں ملوث ہیں وہ سخت گرفت اور سزا کے مستحق ہیں ۔رابطہ کمیٹی نے دستی بم حملہ میں شدید زخمی ہونے والے پولیس اہلکاروں سے دلی ہمدردی کااظہار کیا اور ان کی جلد ومکمل صحت یابی کیلئے دعا کی ۔رابطہ کمیٹی نے گورنر سندھ ڈاکٹر عشرت العباد اور وزیراعلیٰ سندھ سید قائم علی شاہ سے مطالبہ کیا کہ شاہراہ فیصل پر پولیس چوکی پر دستی بم حملہ میں ملوث دہشت گردوں کو فی الفور گرفتار کرکے قرار واقعی سزا دی جائے اور دہشت گردی میں ملوث عناصر کو حاصل سرپرستی کا عمل بند کرایاجائے ۔