روزنامہ جنگ لاہور کی ادارتی کمیٹی کے چیئرمین بیدار بخت کے والد صدیق بٹ کے انتقال پر الطاف حسین کا اظہار افسوس
لندن۔۔۔26، اگست2014ء
متحدہ قومی موومنٹ کے قائد جناب الطاف حسین نے روزنامہ جنگ لاہور کی ادارتی کمیٹی کے چیئرمین بیدار بخت کے والدمحمد صدیق بٹ کے انتقال پر گہرے دکھ اور افسوس کااظہار کیا ہے۔ ایک تعزیتی بیان میں انہوں نے مرحوم کے سوگوار لواحقین سے دلی تعزیت وہمدردی کااظہار کرتے ہوئے کہاکہ مرحوم نے کئی تصانیف تحریر کیں جن سے لوگوں نے علم حاصل کیا ۔ انہوں نے مرحوم کے سوگوار لواحقین کو صبر کی تلقین کی اور کہا کہ مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے۔ (آمین)