ایم کیوایم کی رابطہ کمیٹی کے ڈپٹی کنوینر ڈاکٹر خالد مقبول صدیقی کی سربراہی میں رابطہ کمیٹی کے اراکین نے سینئر سیاستدان اور پی ٹی آئی کے رہنما مخدوم جاوید ہاشمی کی پمز اسپتال جاکر عیادت کی

اسلام آباد ۔۔۔26، اگست2014ء 

متحدہ قومی موومنٹ کی رابطہ کمیٹی کے ڈپٹی کنوینر ڈاکٹر خالد مقبول صدیقی کی سربراہی میں ایم کیوایم کی رابطہ کمیٹی کے ارکان نے سینئر سیاستدان اور پاکستان تحریک انصاف کے رہنما مخدوم جاوید ہاشمی کی ’’پمز‘‘ اسپتال جاکر عیادت کی اور قائد تحریک جناب الطاف حسین کی جانب سے ان کی خیریت دریافت کی۔ اس موقع پر ایم کیوایم کی رابطہ کمیٹی کے ارکان ڈاکٹر فاروق ستار ، امین الحق ، میاں عتیق، بابر غوری اور ایم کیوایم اپر پنجاب کے صدر حاجی عتیق عباسی بھی ان کے ہمراہ تھے ۔ ڈاکٹر خالد مقبول صدیقی نے جاوید ہاشمی کیلئے نیک خواہشات کا اظہار کیا اور ملک کی موجودہ سیاسی صورتحال پر تبادلہ خیال کیا ۔اس موقع پر انہوں نے مخدو م جاوید ہاشمی کی جلد و مکمل صحت یابی کیلئے خصوصی دعا بھی کی۔