اسلام آباد میں دھرنے میں موجود تحریک انصاف کے کارکنان کی جانب سے آج ٹی وی کی ٹیم پر حملے کے واقعہ پرجناب الطاف حسین کا اظہار مذمت
آج ٹی وی کی ٹیم پر حملہ آزادی صحافت پرحملہ ہے اور اس میں جو بھی عناصر ملوث ہیں وہ آزادی صحافت کے کھلے دشمن ہے
لندن۔۔۔25 اگست 2014ء
متحدہ قومی موومنٹ کے قائد جناب الطاف حسین نے اسلام آباد میں دھرنے میں موجود تحریک انصاف کے کارکنان کی جانب آج ٹی وی ٹیم پر حملے کی سخت ترین الفاظ میں مذمت کی ہے اور حملہ آزادی صحافت پر قد غن لگانے کے مترادف ہے۔ ایک بیان میں جناب الطاف حسین نے کہاکہ آج ٹی وی کی ٹیم پر حملہ آزادی صحافت پرحملہ ہے اور اس میں جو بھی عناصر ملوث ہیں وہ آزادی صحافت کے کھلے دشمن ہے ۔ انہوں نے صدر پاکستان ممنون حسین ،وزیر اعظم میاں نوازشریف اور وفاقی وزیر داخلہ سے مطالبہ کیا ہے کہ وہ آج ٹی وی کی ٹیم پر حملہ کا نوٹس لیا جائے اور اس میں جو بھی ملوث ہے انکے خلاف سخت کارروائی کی جائے۔ انہوں نے زخمی ہونیو الے افراد کے لئے جلد و مکمل صحت یابی کیلئے دعا کی ۔