ایم کیوایم کے قائد الطاف حسین سے وفاقی وزیر ریلوے خواجہ سعد رفیق کا فون پر رابطہ، موجودہ سیاسی صورتحال پر گفتگو

لندن۔۔۔24 اگست 2014ء

متحدہ قومی موومنٹ کے قائدجناب الطاف حسین سے وفاقی وزیرریلوے خواجہ سعدرفیق نے فون پر رابطہ کیااوران سے موجودہ سیاسی صورتحال پر گفتگو کی۔ خواجہ سعدرفیق نے بات چیت کے عمل کوہرقیمت پر جاری رکھنے کے سلسلے میں جناب الطاف حسین کے مؤقف درست قرار دیا۔ خواجہ سعدرفیق نے جناب الطاف حسین سے گفتگو کرتے ہوئے کہاکہ حکومت موجودہ سیاسی بحران کوبات چیت اورافہام وتفہیم سے حل کرنے کی پوری کوشش کررہی ہے ۔اس سلسلے میں انہوں نے آج پاکستان عوامی تحریک سے سربرہ ڈاکٹرعلامہ طاہرالقادری سے ہونے والی اپنی ملاقات سے بھی آگاہ کیا۔جناب الطاف حسین نے خواجہ سعدرفیق سے گفتگوکرتے ہوئے کہاکہ میرا شروع ہی سے یہ کہناہے کہ کسی سے بھی بات چیت کے دروازے بند نہ کئے جائیں، ہرایک کا احترام کیاجائے اور معاملات کوبات چیت ،مذاکرات اورافہام وتفہیم کے ذریعے حل کیا جائے۔