فیض گنج ،کوٹ لالو کے قریب ٹریفک حادثے کے نتیجے میں متعدد افراد کے ہلاک و زخمی ہونے پرجناب الطاف حسین کا اظہار افسوس
لندن۔۔۔24اگست2014ء
متحدہ قومی موومنٹ کے قائد جناب الطاف حسین نے خیر پور کے علاقے فیض گنج ،کوٹ لالو کے قریب ٹریفک حادثے کے نتیجے میں متعدد افراد کے ہلاک و زخمی ہونے پر گہرے دکھ اور افسوس کا اظہار ہے۔ اپنے تعزیتی بیان میں جناب الطاف حسین نے مرحومین کے تمام لواحقین سے دلی تعزیت و ہمدردی کاا ظہار کرتے ہوئے کہا کہ دکھ کی اس گھڑی میں مجھ سمیت تمام افراد آپ کے غم میں برابر کے شریک ہیں۔انہوں نے کہا کہ آئے روز بڑھتے ہوئے ٹریفک حادثات کی روک تھام کیلئے سنجیدہ اقدامات کئے جائیں اور عوام کی جان و مال کا تحفظ یقینی بنایا جائے۔جناب الطاف حسین نے حادثہ میں زخمی ہونے والے افراد کی جلد و مکمل صحتیابی کیلئے بھی خصوصی دعائیں کی۔