سابق وزیراعظم میرظفراللہ جمالی کی ایم کیوایم کے قائد الطاف حسین سے ٹیلی فون پر رابطہ

لندن۔۔۔22، اگست2014ء

پاکستان کے سابق وزیراعظم میرظفراللہ جمالی نے آج ایم کیوایم کے قائد جناب الطاف حسین سے ٹیلی فون پر رابطہ کیا ۔انہوں نے جناب الطاف حسین کی خیریت دریافت کی اوران کیلئے نیک خواہشات کا اظہارکیا۔ دونوں رہنماؤں کے درمیان ملک میں جاری سیاسی بحران اورملک کی مجموعی سیاسی صورتحال پر تبادلہء خیال کیاگیا۔میرظفراللہ جمالی نے ملک میں جاری سیاسی بحران کے خاتمہ اورمعاملے کوافہام وتفہیم سے حل کرنے کے سلسلے میں ایم کیوایم کے کردار اور جناب الطاف حسین کی کوششوں کوسراہا۔سابق وزیراعظم نے جناب الطاف حسین سے کہاکہ آپ نے ملک کے ہرکڑے اوررمشکل وقت میں حکومتوں ، سیاستدانوں کومخلصانہ مشورے دیے ہیں اورملک میں جاری سیاسی بحران کے خاتمہ اورمسائل کوافہام وتفہیم سے حل کرنے کے سلسلے میں آپ جومخلصانہ کوششیں کررہے ہیں ان کوہرپاکستانی قدرکی نگاہ سے دیکھتاہے۔جناب الطاف حسین نے کہاکہ میں پارٹی مفادسے بالاترہوکرصرف اورصرف پاکستان کے مفاد اوراستحکام کیلئے کوششیں کررہاہوں ، میری خواہش اورکوشش ہے کہ ملک مضبوط ومستحکم ہو، ملک میں امیرغریب ، سب کی عزت ہواورسب کوان کے حقوق میسرہوں۔دونوں رہنماؤں نے اس امرپراتفاق کیاکہ ملک میں جاری سیاسی بحران جتناجلد حل ہواتناہی ملک کے مفادمیں ہے اورملک میں تصادم اورتناؤکی کیفیت جلدازجلدختم ہونی چاہیے ۔