سابق وفاقی وزیرداخلہ سینیٹر رحمن ملک کی ایم کیوایم کے قائد الطاف حسین سے فون پر گفتگو، سیاسی صورتحال پر تبادلہ خیال

لندن۔۔۔15، اگست2014ء

سابق وفاقی وزیرداخلہ سینیٹر رحمن ملک نے متحدہ قومی موومنٹ کے قائد جناب الطاف حسین سے فون پر گفتگوکی اور ان سے سیاسی صورتحال پر تبادلہ خیال کیا۔ رحمن ملک نے گزشتہ روز پاکستان عوامی تحریک کومارچ نکالنے کی اجازت دلوانے کے سلسلے میں بھرپورکوشش کرنے اورمعاملے کوافہام وتفہیم سے حل کرانے پر انہیں مبارکبادپیش کی ۔ رحمن ملک نے موجودہ صورتحال میں جناب الطاف حسین کے مثبت کردارکوسراہا۔جناب الطاف حسین نے اس موقع پر گفتگوکرتے کہاکہ ملک کی موجودہ صورتحال معاملہ فہمی کاتقاضہ کرتی ہے ۔