ایم کیوایم کی رابطہ کمیٹی کے ارکان اشفاق منگی اور احمد سلیم صدیقی کی پیپلزپارٹی کے سینئر رہنما میر نادر خان مگسی کی اسپتال جاکر عیادت

کراچی۔۔۔15اگست2014ء

متحدہ قومی موومنٹ کی رابطہ کمیٹی کے رکن اشفاق احمد منگی اور احمد سلیم صدیقی نے پاکستان پیپلزپارٹی کے سینئر رہنما اور رکن سندھ اسمبلی میر نادر خان مگسی کی مقامی اسپتال جاکر عیادت کی اور قائد تحریک جناب الطاف حسین کی جانب سے ان کی خیریت دریافت کی ۔ اس موقع پر ایم کیوایم کراچی مضافاتی آرگنائزنگ کمیٹی کے انچارج فرخ اعظم بھی ان کے ہمراہ تھے ۔ رابطہ کمیٹی کے ارکان میر نادر خان مگسی کیلئے نیک خواہشات کااظہار کرتے ہوئے ان کی جلد ومکمل صحت یابی کیلئے دعا بھی کی۔ اس مو قع پر میر نادر خان مگسی نے علالت کے موقع پر یاد رکھنے پرجناب الطا ف حسین سے تشکر کااظہار کیا ۔