امریکی جریدہ نیوز ویک کی جانب سے جناب الطاف حسین کو ’’دی رائٹ مین ‘‘ کاخطاب دینا باعث فخر ہے ، اشفاق منگی

کراچی ۔۔۔15اگست 2014ء 

متحدہ قومی موومنٹ کی رابطہ کمیٹی کے رکن اشفاق احمد منگی نے کراچی میں سندھ وبلوچستان سے تعلق رکھنے والی سماجی وکاروباری شخصیت عبدالرشید خان مگسی اور محمد ملوک عمرانی،گلستان جوہر میں معروف قانون دان زاہد حسین راجپر ایڈووکیٹ ، چیر مین انڈس سوشل فورم سید خلیل احمد ،معروف انٹر نیشنل گالف کوچ خیر محمد خاصخیلی اور کراچی یونیورسٹی کے پروفیسر ڈاکٹر فتح محمد برفت سے ان کی رہائش گاہوں پر جاکر ملاقات کی اور بین الاقوامی جریدے نیوز ویک میں قائد تحریک جناب الطاف حسین کے ’’دی رائٹ مین ‘‘ کے عنوان سے شائع ہونے والے انٹرویو کی سندھی اور اردوزبان میں ترجمہ کی کاپیاں پیش کیں ۔اس موقع پر انچارج KMOCفرخ اعظم ،اراکین منظور احمد جوکھیو،بشیر احمد دروان اور سید معین الدین بھی موجود تھے ۔ رابطہ کمیٹی کے رکن اشفاق احمد منگی نے کہا کہ پوری دنیا نے اس حقیقت کو تسلیم کیا ہے کہ بانی و قائد تحریک جناب الطاف حسین جو بات کہتے ہیں اس پر عمل بھی کرتے ہیں ۔انہوں نے کہاکہ نیوز ویک کی جانب سے جناب الطاف حسین کو ’’دی رائٹ مین ‘‘ کاخطاب دینا ملک بھر کے عوام کیلئے نہ صرف باعث فخر ہے بلکہ اس خطاب سے یہ ثابت ہوگیا ہے کہ ملک کی سیاست میں حق پرستانہ اور سچائی پر مشتمل فکر وفلسفہ ،نظریہ اور جدوجہدجناب الطاف حسین کا ہی شعار رہا ہے۔معزز شخصیات نے اشفاق منگی کی بات سے اتفاق کرتے ہوئے برملا کہا کہ جناب الطا ف حسین ایک سچے اور کھرے لیڈرہیں جنہوں نے کبھی کسی کے آگے سر نہیں جھکایا ۔انہوں نے کہا کہ نیوز ویک نے دنیا کو حقیقت بتائی کہ جناب الطاف حسین ایک سچے انسان ہیں اور اس سے کوئی ذی شعور شخص انکار نہیں کرسکتا ۔