گجرانوالہ میں آزادی مارچ کے شرکاء پر مبینہ فائرنگ اور پتھراؤ کے واقعات پر الطاف حسین کااظہار تشویش

لندن۔۔۔15، اگست2014ء

متحدہ قومی موومنٹ کے قائد جناب الطاف حسین نے صوبہ پنجاب کے شہرگوجرانوالہ میںآزادی مارچ کے شرکاء پر شرپسند عناصر کی جانب سے مبینہ فائرنگ اور پتھراؤ کے واقعات پر گہری تشویش اور افسوس کااظہار کیا ہے ۔ ایک بیان میں جناب الطاف حسین نے فریقین سے دردمندانہ اپیل کی کہ وہ ایک دوسرے کے وجود کو تسلیم کریں، قیمتی انسانی جانوں کے تحفظ کیلئے پرامن رہیں ، ایک دوسرے کے سیاسی، آئینی وقانونی حقوق کا احترام کریں اور ہرقسم کی اشتعال انگیزی سے گریز کریں۔ جناب الطاف حسین نے مبینہ فائرنگ اور پتھراؤ کے نتیجے میں زخمی ہونے والے کارکنوں سے دلی ہمدردی کااظہار کیا اور زخمیوں کی جلد ومکمل صحت یابی کیلئے دعا بھی کی۔