رابطہ کمیٹی کے ارکان شاکر علی اور اشفا ق منگی نے ملیر پریس کلب اور عوامی پریس کلب ملیر کا دورہ

کراچی ۔۔۔11، اگست2014ء 

متحدہ قومی موومنٹ کی رابطہ کمیٹی کے ارکان سید شاکر علی اور اشفاق احمد منگی نے ملیر پریس کلب اور عوامی پریس کلب ملیر کا دورہ کیا اور پریس کلب کے صدور ، اراکین ، صحافیوں اور معزز شخصیات کو امریکی جریدے نیوز ویک میں’’دی رائٹ مین ‘‘ کے عنوان سے شائع ہونے والے انٹرویو کی سندھی ، انگریزی اور اردو ترجمہ کی کاپیاں تقسیم کیں ۔ اس موقع پر ملیر پریس کلب کے صدر میر ذو الفقار و اراکین ، عوامی پریس کلب ملیر کے صدر صدر الدین شیخ و اراکین اور گلشن حدید کے علاقہ معززین و معروف شخصیات ممتاز صحافی طارق پٹھان ، سابقہ ناظم رضا جتوئی ، ڈاکٹر طارق ، ہیلتھ آفیسر ڈاکٹر عبد الجبار ، عبد القادر ، امیر علی اور زاہد بلوچ ، ایم کیوایم کراچی مضافاتی آرگنائزنگ کمیٹی کے انچارج فرخ اعظم اور اراکین بھی موجود تھے ۔ پریس کلب کے صدور ، صحافیوں اور معزز شخصیات نے نیوز ویک میں جناب الطاف حسین کے شائع ہونے والے انٹرویو اور اس کے عنوان دی رائٹ مین کو تحقیقی صحافت قرار دیا اور کہا کہ جناب الطاف حسین کو امریکی جریدے کی جانب سے دی رائٹ مین کا خطاب دینا اعزاز ہے ۔ رابطہ کمیٹی کے ارکان سید شاکر علی اور اشفاق منگی نے نیوز ویک میں شائع ہونے والے جناب الطاف حسین کے انٹرویو پر سندھی صحافیوں کے تاثرات کو سراہا اور کہا کہ امریکی جریدہ نیوز ویک ایک عالمی معیار کا رسالہ ہے اس امریکی جریدے نے جناب الطاف حسین کی حقیقت پسندانہ باتوں کو سچ قرار دیتے ہوئے انہیں دی رائٹ مین کا لقب دیا ، نیوز ویک کی اپنی ایک ساکھ ہے اس نے جناب الطاف حسین کو سچا اورحقیقت پسند قرار دیا ہے