حکومت عوام کو انکے آئینی و قانونی حق سے محروم رکھ کر ڈرامے بازی کر رہی ہے، رہنما ایم کیوا یم وسیم اختر

مسلم لیگ ن کی رہنما ماروی میمن کے ایم کیو ایم کے متعلق مضحکہ خیز بیان پر تبصرہ

کراچی ۔۔۔10اگست 2014ء

متحدہ قومی موو منٹ کے رہنما وسیم اختر نے پاکستان مسلم لیگ ن کی رہنما ماروی میمن کے ایم کیو ایم سے متعلق بیان پر تبصرہ کرتے ہوئے کہا ہے کہ جمہوریت کسی بھی قسم کے سیاسی یا ذاتی انتقام کا درس نہیں دیتی اور ایسا عمل جمہوریت کے سراسرمنافی ہے۔ انھوں نے کہا کہ ایم کیو ایم انسانیت کی خدمت پر یقین رکھتی ہے اور قائد تحریک الطاف حسین نے بھی ہمیں سیاست برائے خدمت کا درس دیا ہے ۔ انھوں نے کہاکہ اپنا احتجاج ریکارڈ کروانا ہر پاکستانی کا جمہوری اور آئینی حق ہے اور حکومت عوام کو انکے اس آئینی و قانونی حق سے محروم رکھ کر ڈرامے بازی کر رہی ہے ۔وسیم اختر نے مسلم لیگ ن کی رہنما ماروی میمن کو مخاطب کرکے کہا کہ جمہوریت کا دعویٰ کرنے والے آج خود جمہوریت کے دشمن بنے ہوئے ہیں اور اپنی سیاسی وفاداریاں تبدیل کرنے والے کبھی بھی ملک کے محروم و غریب عوام کے مسائل حل نہیں کر سکتے لہٰذا انھیں اس قسم کے مضحکہ خیز بیانات دینے سے اجتنا ب کر نا چاہئے۔