ہندؤں کے مذہبی تہوار رکشا بندھن پر جناب الطاف حسین کی پاکستان سمیت دنیا بھر کی ہندو برادری کو دلی مبارک باد

اپنی مذہبی رسومات میں ملک کو درپیش خطرات کے خاتمے اور دہشتگردوں کے خلاف مسلح افواج کی کامیابی کے لئے خصوصی دعائیں کریں، الطاف حسین کی ہندو برادری سے اپیل

لندن ۔۔۔۔9اگست 2014ء

متحد ہ قومی موومنٹ کے قائد الطاف حسین نے پاکستان سمیت دنیا بھر میں بسنے والی ہندؤں کو ہندوبرادری کے مذہبی تہوار ’’رکشابندھن ‘‘ کی دلی مبارک باد پیش کی ہے ۔ ایک بیان میں جناب الطاف حسین نے کہا کہ دنیا کے تمام مذاہب ایک دوسرے کے احترام اور آپس میں محبت کا درس دیتے ہیں اور کسی بھی دوسرے انسان کو ناحق تکلیف پہنچانے سے روکتا ہے۔ انہوں نے کہا کہ رکشابندھن کا تہوار بھی محبت اور امن کی انہی تعلیمات کا تہوار ہے ۔ جناب الطاف حسین نے ہندو برادری کے افراد سے اپیل کی کہ وہ اپنی مذہبی رسوما ت کی ادائیگی کے موقع پر ملک کو درپیش خطرات کے خاتمے اور دہشتگردوں کے خلاف ملک کی مسلح افواج کی کامیابی کے لئے خصوصی دعائیں کریں ۔